Valon Berisha shënoi një eurogol me Zurichun: Synova harkimin, jo portën

Valon Berisha realizoi një gol të jashtëzakonshëm ndaj Servette, megjithëse mesfushori pranoi se nga goditja e lirë nuk kishte synuar ta dërgonte topin në portë.

Ekzekutimi befasues i kosovarit e gjeti të papërgatitur portierin, ndërsa topi përfundoi në cepin e rrjetës.

Duke buzëqeshur gjatë prononcimit për mediat zvicerane pas ndeshjes, veterani i Kosovës pohoi se qëllimi i tij ishte vetëm të harkonte.

“Kjo është pyetja e ditës, apo jo? Jo, thjesht doja të harkoja dhe pastaj topi fluturoi për në rrjetë. Sigurisht jam shumë i lumtur, por më i lumtur me këtë fitore të luftuar”.

Berisha është shndërruar në udhëheqësin e mesfushës së Zurichut, rol që e bën të ndihet i kënaqur.

“Gjithnjë më ka pëlqyer të drejtoj dhe të marrë përgjegjësi. Jemi në rrugën e duhur, por ende mund të përmirësohemi”.

Kënaqësinë për rezultatin e shprehu gjithashtu kapiteni i Zurichut, Lindrit Kamberi.

“Pas një paraqitje ndaj St.Gallen, mendoj se e meritonim këtë eventualisht. Kjo eventualisht erdhi menjëherë në ndeshjen e radhës”.

“Dhamë gjithçka. Fitore tepër e rëndësishme për moralin tonë. Kur merr tre pikë, atëherë i meriton”.