UEFA ndryshon një rregull pak para fillimit të Euro 2020

Hyn më shpejt në fuqi rregulli i ndryshuar nga IFBA, për prekjen e topit me dorë padashje gjatë një aksioni. Ky standart do të përdoren edhe gjatë ndeshjeve të “Euro 2020”.

Golat në “Euro 2020” nuk do të anulohen, nëse një lojtar e prek topin me dorë pa dashje, gjatë aksionit të një goli, ka konfirmuar UEFA. Sezonin e shkuar, çdo prekje pa dashje e topit me dorë, e anulonte golin. Mirëpo goli i pavlefshëm i Fulham ndaj Tottenham në mars, ku topi u godit në dorën e Mario Lemina gjatë aksionit, shkaktoi polemika të shumta dhe revoltë ndaj VAR që e anuloi atë.

Pas kësaj, Bordi Ndërkombëtar i Shoqatës së Futbollit (IFAB) vendosi, që ky rregull të ndryshojë duke filluar nga korriku. Por UEFA, ka vendosur ta aplikojë këtë rregull më herët. Kryetari i Komisionit të Gjyqtarëve të UEFA-s, Roberto Rosetti, ka konfirmuar se rregulli i ri do të zbatohet gjatë ndeshjeve finale të “Euro 2020”-tës.

“Mënyra, se si ligji është rishkruar, është më shumë sipas frymës së futbollit dhe u jep lojtarëve lirinë për të luajtur futboll”,- ka deklaruar italiani. Për ndryshimin e prekjes së topit me dorë, Rosetti tha se do të duhet të ketë “prova të qarta” për një anulim të golit gjatë turnet, duke përfshirë edhe përcaktimin e pozicionit jashtë loje.