Një skandal është regjistruar në ndeshjen e Ligës së Kampionëve mes Lech Poznan dhe Yllit të Kuq të Beogradit, ku tifozët polakë kanë shpalosur banerin: “Kosova është Serbi”. Veprimi i tyre u përshëndet nga skuadra serbe në rrjetet sociale.
Provokimet apo thirrjet antishqiptare në eventet e Uefas janë kthyer në diçka krejt normale, me qeverinë evropiane të futbollit që nuk ka marrë masat e duhura, ndërsa një tjetër skandal është regjistruar në duelin e Ligës së Kampionëve mes Lech Poznan dhe Crvena Zvezdës.
Ishin tifozët polakë ata që shfaqën banerin: “Kosova është Serbi”, duke e shoqëruar edhe me thirrje provokuese për shqiptarët e Kosovës.
Skandali u thellua edhe më tepër, kur në faqen zyrtare të ekipit serb, Ylli i Kuq i Beogradit, u postua fotoja e banerit, duke falënderuar tifozët polakë. E gjithë kjo ngjarje ndodhi në sytë e vëzhguesve të Uefas, ndërsa edhe më herët ka pasur sjellje të ngjashme në përballje të Champions, por edhe në Europa dhe Conference League.
Mbetet për t’u parë se cili do të jetë reagimi i këtij institucioni dhe masa që do të merret ndaj tifozërisë polake, e cila duket se u kënaq me banerin, pasi ndeshjen e humbi me shifrat 3-1. Ishak ishte shënuesi i vetëm për Lech Poznan, ndërsa Rade Krunić ishte heroi i Crvena Zvezdës me një dopietë dhe goli tjetër erdhi nga Bruno Duarte.
Presidenti ukrainas Volodymyr Zelenskyy shprehu të dielën gatishmërinë për të hequr dorë nga përpjekja e vendit të tij për tu…
Një ngjarje e rëndë ka ndodhur ditën e sotme në zonën e Kamzës ku një 65-vjeçar ka ndërruar jetë pasi…
Bashkëshortja dhe djali i Shpat Kasapit janë kthyer në Itali, por kësaj here rruga e tyre është bërë pa të!…
Moderatorja, Einxhel Shkira, ka reaguar pas lajmeve që qarkulluan në rrjet se kishte pësuar një aksident të rëndë. Përmes një…
Të paktën 11 njerëz janë vrarë dhe gati 30 të tjerë janë plagosur kur persona të armatosur hapën zjarr gjatë…
Kryeministri Edi Rama ka reaguar publikisht pas deklaratës së Byrosë Kombëtare të Hetimit, lidhur me një episod të ndodhur në…