Sipas raporteve nga Italia, mesfushori i kombëtares italiane, Davide Frattesi, është i gatshëm të largohet nga Interi gjatë afatit kalimtar të verës nëse trajneri Simone Inzaghi mbetet në krye të skuadrës.
Kjo pas një përplasjeje mes tyre që ndodhi pas finales së Ligës së Kampionëve të shtunën mbrëma në Mynih.
Interi pësoi një disfatë të rëndë 5-0 ndaj Paris Saint-Germain në finalen e Ligës së Kampionëve, humbja më e thellë ndonjëherë në një finale të kësaj gare.
‘Nerazzurrët’ mbetën të tronditur në “Allianz Arena”, por Frattesi, i cili qëndroi në stol gjatë gjithë ndeshjes, u shpreh i zhgënjyer nga vendimi i trajnerit për ta lënë jashtë formacionit.
Frattesi i vendosur të largohet nëse Inzaghi nuk largohet.
Sipas raportimeve të Gazzetta dello Sport, Frattesi u përball drejtpërdrejt me Inzaghin për vendimin e tij që ta linte jashtë finales së madhe.
Që prej transferimit të tij nga Sassuolo te Interi në vitin 2023, mesfushori italian ka shërbyer kryesisht si zëvendësues, por ka dhënë kontribute të rëndësishme, përfshirë gola vendimtarë në çerekfinale dhe gjysmëfinale të Ligës së Kampionëve, kundër Bayern Munich dhe Barcelonës përkatësisht.
25-vjeçari u ndje thellësisht i zhgënjyer nga mungesa e përfshirjes në finalen e së shtunës, aq sa Gazzetta dello Sport raporton se ai është i vendosur “100 për qind” të largohet nga klubi nëse Inzaghi vazhdon të jetë trajner.
Frattesi është lidhur me një kalim të mundshëm te Napoli, kampionët në fuqi të Serie A.
Gazzetta dello Sport gjithashtu bën me dije se Interi e vlerëson lojtarin rreth 40 milionë euro.
Dashi Do jeni ne kërkim te emocioneve te forta sot ju qe jeni ne një lidhje. Duke qene se komunikimi…
Bruno Fernandes ka konfirmuar se ka marrë një ofertë nga Al Hilal, por ka vendosur ta refuzojë atë. “Pati një…
Elon Musk ka kritikuar ligjin e ri për taksat dhe shpenzimet të presidentit Donald Trump, duke e quajtur atë në…
Ylli i Bayer Leverkusenit, Florian Wirtz, ka bërë një postim enigmatik në platformën X, ku mohon thashethemet se ka kërkuar…
Bisedimet me kryeministrin e Sllovakisë, Robert Fico dhe Giorgina Melonit u përqendruan në paqen e qëndrueshme në Ukrainë, ndërsa një…
Jadon Sancho ka përfunduar huazimin e tij te Chelsea dhe është rikthyer zyrtarisht te Manchester United, pasi klubi londinez ka…