Real Madridi e ka fituar kupën e parë dhe El Clasicon e parë për vitin 2024, pasi në finalen e Superkupës së Spanjës mposhti Barcelonën me rezultat bindës 4-1.
Pas vetëm dhjetë minutash lojë, Los Blancos shënuan dy herë, dhe atë me anë të Vinicius Junior.
Sulmuesi brazilian u asistua nga Jude Bellingham (7’) te goli i parë, derisa të i dyti nga Rodrygo Goes (10’).
Robert Lewandowski riktheu Barcelonën në lojë me golin e minutës së 33-të, por që madrilenët nuk u zmbrapsën.
Vinicius kompletoi het-trikun e tij, kur shënoi nga penalltia në minutën e 39-të, nga një lojë me dorë e Ronald Araujos, që u ndëshkua edhe me karton të verdhë.
Me kaq edhe përfundoi pjesa e parë, derisa e dyta sërish u dominua nga lojtarët e Carlo Ancelottit.
Në minutën e 64-të, Rodrygo hyri në listën e realizatorëve, kur shënoi për 4-1 dhe për të vulosur fitoren e Real Madridit.
Gjërat më keq u bën për Barcelonën kur kapiteni Ronald Araujo mori edhe kartonin e dytë të verdhë në minutën e 71-të, për ta lënë skuadrën e tij me dhjetë lojtarë në fushë.
Ky është trofeu i parë i Real Madridit për vitin 2024, ndërsa janë në garë edhe për trofeun e La Ligës dhe Ligës së Kampionëve. /Telegrafi/
Dashi Do jeni shume te vendosur gjate kësaj dite t’i zgjidhni te gjitha problemet qe ju kane dale ne jetën…
Shtetet e Bashkuara po ndalojnë dhe sekuestrojnë një anije në brigjet e Venezuelës në ujërat ndërkombëtare, thanë tre zyrtarë amerikanë…
Në Kongresin e sotëm të Bashkimit Demokratik për Integrim (BDI), delegatët miratuan përbërjen e re të kryesisë së partisë, duke…
Ministri në detyrë i Punëve të Brendshme të Kosovës, Xhelal Sveçla, tha se është arrestuar një ish-pjesëtar i MPB-së të…
Monika Kryemadhi, e cila është opioniste e “Big Brother VIP Albania 5”, ka thumbuar ish-bashkëshortin e saj, Ilir Meta. Gjatë…
Një aksident i rëndë rrugor ka ndodhur mbrëmjen e kësaj të shtune në Elbasan, në afërsi të Bradasheshit. Raportohet se…