Transferimi i Haaland te Real Madrid , takim sekret midis lojtarit, Zidane dhe Adidas

Adidas mund të bëhet aleati kryesor i Real Madridit pasi ‘Los Blancos’ kërkojnë të sigurojnë nënshkrimin e Erling Haaland nga Borussia Dortmund këtë verë.

Marka gjermane po kërkon të sigurojë një marrëveshje për të përfaqësuar sulmuesin norvegjez pas përfundimit të kontratës së tij me Nike në janar, dhe ata po bëjnë përpjekje të mëdha për ta arritur këtë.

Sipas ‘Bild’, më 7 shkurt, në selinë qendrore të Adidas u zhvillua një takim sekret, me Haaland, babain dhe rrethin e ngushtë të tij, të cilëve iu bashkua Zinedine Zidane, si dhe Michu, idhulli i fëmijërisë së Haaland.

Synimi ishte të bindte Haaland të nënshkruante me Adidas dhe prania e Zidane në takim u pa si vendimtare për të arritur këtë objektiv.

Nëse 21-vjeçari nënshkruan një kontratë me Adidas, kjo mund ta bëjë më të drejtpërdrejtë një lëvizje eventuale te Real Madrid.

Kjo është për shkak të lidhjes së drejtpërdrejtë midis markës gjermane dhe klubit dhe faktit që tashmë përfaqëson shumë nga lojtarët e klubit.

Ajo që është e çuditshme është fakti se mund të jetë Zidane ai që i krijon rrugën Haaland për t’u transferuar në Estadio Santiago Bernabeu, me gjasat që trajneri francez të marrë drejtimin e Paris Saint-Germain në verë, duke u rritur nga dita në ditë./h.ll/albeu.com