Trajneri i Palmeiras i lutet presidentit të mos e shesë Messinhon, thotë se nuk ka parë kurrë këso lojtari

Trajneri i Palmeiras, Abel Ferreira i bëri një lutje të zjarrtë presidentes së klubit, Leila Pereira, për të bllokuar shitjen e Estevao Willian te Chelsea, pavarësisht ofertës prej 55 milionë eurosh.

Pavarësisht se u përballën me refuzimet fillestare për dy ofertat e tyre të para, ekipi anglez ka përshkallëzuar ndjekjen e tyre me një ofertë të tretë fitimprurëse, prej 55 milionë euro, duke sinjalizuar synimin e tyre për të siguruar nënshkrimin e talentit 17-vjeçari i njohur si “Messinho”.

Të bërat e fundit të adoleshentit brazilian kanë shërbyer vetëm për të rritur interesin për shërbimet e tij, me golin dramatik të fituar në kohën shtesë kundër Botafogo në Kupën e Brazilit duke rritur më tej reputacionin e tij.

Menaxheri i Palmeiras, Ferreira, duke njohur potencialin e jashtëzakonshëm të “Messinhos”, i ka bërë një lutje pasionante presidentes së klubit.

“Do t’i kërkoj presidentes tonë Leilës të mos e shesë këtë lojtar. Babai, menaxheri dhe ai do të jenë të trishtuar. Le të qëndrojë me ne deri në vitin 2027. Unë me të vërtetë mendoj se ky lojtar është ndryshe nga çdo gjë që kam parë ndonjëherë”, ka thënë Ferreira.

Megjithatë, edhe nëse Chelsea do të kishte sukses në ndjekjen e Willian, talenti nuk do të mund të bashkohej me klubin deri në verën e ardhshme për shkak të ligjeve të punës që ndalojnë transferime të tilla për lojtarët nën 18 vjeç.

Pavarësisht kësaj pengese, Chelsea mbetet i vendosur për të siguruar një marrëveshje për Willian, duke nënvizuar angazhimin e tyre për të blerë talentet e rinj më premtues në futbollin botëror.

Ndërsa klauzola aktuale e lirimit të adoleshentit është 60 milionë euro, raportet sugjerojnë se Palmeiras mund të mos jetë i gatshëm të pranojë ofertën e Chelseat pasi ata besojnë se vlera e lojtarit mund të vazhdojë të rritet.

Prandaj ata po konsiderojnë t’i ofrojnë atij një kontratë të re e cila do të zgjaste më tej qëndrimin e tij dhe potencialisht do të merrte një tarifë më të lartë kur ai të shitet më vonë.

Përveç Chelseat, ka një mori klubesh të tjera evropiane që janë të interesuar për shërbimet e Willian, duke përfshirë Arsenalin, Paris Saint-Germainin dhe Barcelonën. /Telegrafi/