Trajneri i Kroacisë, Dalic: Ne u copëtuam, u shtypëm dhe u thyem

Kroacia barazoi 2-2 në Hamburg me Shqipërinë në xhiron e dytë të Grupit B të Kampionatit Evropian.

Shqipëria kaluan në epërsi në minutën e 11-të me golin e Qazim Laçit, ndërsa kroatët barazuan rezultatin me anë Kramaric në të 74-ën dhe autogolin e Klaus Gjasulës dy minuta më vonë.

Megjithatë, Gjasula përmirësoi gabimin e tij në minutën e pestë të kohës shtesë, ndërsa Zlatko Dalic e pranoi se Shqipëria ishte më e mirë.

“Ky është një turne në të cilin është e rëndësishme të kalosh grupin, përshtypja që do të jetë nuk është aq e rëndësishme. Nuk e prisnim një ndeshje kaq të vështirë”, deklaroi selektori i Kroacisë.

“Kupa e Botës ishte dy vjet më parë, lojtarët tani janë më të vjetër. Në këtë turne të gjithë luftojnë fort, por fitojnë. Portugalia kundër Çekisë, Anglia kundër Serbisë… Është e barabartë”.

“U vendosëm keq, u tërhoqëm dhe pësuam një gol dhe gati një të tretën. Ne nuk duhej të tërhiqeshim (pas 2-1), u thash të shkonin për golin e tretë dhe sa herë që bënin presion, ishim mirë. Ata bënë gjithçka nga topat e gjatë dhe kjo shtesë ishte një fatkeqësi për ne”.

Dy pjesë krejtësisht të ndryshme. Së pari përsëri keq, pranojmë gol dhe më pas nuk bëjmë dot asgjë. Kundërshtari është i motivuar, i rrezikshëm në kundërpërgjigje, dhe ne bëjmë shumë gabime dhe goli i dytë ishte në ajër.

“Në pjesën e dytë ishim shumë më mirë, ndryshuam disa gjëra dhe shpërthyem për të arritur në 2-1. Gjatë atyre 45 minutave kundërshtari nuk kaloi në qendër dhe më pas e lejojmë të dalë në sulm. Gjëja më e rëndësishme është që ne jemi ende gjallë dhe se ndeshja e fundit vendos gjithçka”, ka shtuar më tej Dalic. /Telegrafi/