Këtë të shtunë u zhvilluan një pjesë e ndeshjeve të javës së 37-të të Premier League, ndërsa u vendosën matematikisht të treja skuadrat që bien në Championship për sezonin e ardhshëm.
Sheffield United që ishte prej javësh i rrëzuar nga Premier League, takimin e këtij raundi u mund me rezultatin 1-0 në transfertën e Everton, me vendasit që fituan falë golit të Doucoure në minutën e 31’.
None found
Pas këtij takimi Everton renditet në vend të 15-të me 40 pikë, teksa Sheffield i vendit të fundit qëndron po në kuotën e 16 pikëve.
Tottenham-Burnley mbyllet me rezultatin 2-1, me “Spurs” që vazhdojnë të jenë në garë për zonën Champions, teksa miqtë nga ana e tyre janë zyrtarisht jashtë Premier League-s për sezonin e ardhshëm.
Golat për vendasit në këtë përballje u realizuan nga Porro në minutën e 32’ dhe Van de Ven në minutën e 82’, teksa për miqtë shënoi Vruun Larsen në minutën e 25’.
Pas këtij takimi Tottenham renditet në vend të pestë me 63 pikë, teksa Burnley në vend të 19-të me 24 pikë.
West Ham fituan me rezultatin 3-1 ndaj Luton me këta të fundit që po ashtu i mbetet vetëm zyrtarizimi për të rënë nga Premier League.
Për vendasit në këtë takim shënuan Ward-Prowse në minutën e 54’, Soucek 66’ dhe Earthy në minutën e 77’. Ndërsa për Luton rrugën drejt rrjetës e gjeti vetëm Lokonga në minutën e 6’.
Pas këtij takimi West Ham renditet në vend të 9 me 52 pikë, teksa Luton në vend të 18-të me 26 pikë.
Newcastle-Brighton ndajnë pikët në javën e 37-të, me ndeshjen që u mbyll me barazimin 1-1. Ishin miqtë ta që gjetën rrjetën të parët me Veltman në minutën e 18’, teksa për vendasit shënoi Longstaff në minutën e 45+5’.
Pas kësaj përballjeje Newcastle renditet në vend të gjashtë me 57 pikë, teksa Brighton në vend të 10-të me 48 pikë.
Wolves bie në shtëpi me rezultatin 1-3 ndaj Crystal Palace, për vendasit shënoi Cunha në minutën e 68’, teksa për miqtë shënoi Olise në minutën e 26’, Mateta 28 dhe Eze në 73’.
Pas kësaj jave Wolves renditet në vend të 13-të me 46 pikë, teksa Crystal Palace në vend të 12-të po me 46 pikë.
Bournemouth bie në shtëpi me rezultatin 1-2 ndaj Brentford-it, me golin e vetëm që për vendasit e shënoi Solanke në minutën e 90’, teksa për miqtë realizuan Mbeumo 87’ dhe Wissa në minutën e 90+5’.
Pas kësaj jave Bournemouth renditet në vend të 11-të me 48 pikë, teksa Brentford në vend të 16-të me 39 pikë. /abcnews.al
Departamenti i Shtetit njoftoi se planifikon t'i japë një miliard dollarë qeverisë së re të Kolumbisë, në ditën e prezantimit…
Presidenti ukrainas Volodymyr Zelensky filloi dje vizitën e tij të parë zyrtare në Serbi, një aleat tradicional i Rusisë, duke…
Ilir Daja - Adrian BardhiNdonëse ka pasur “dalje me peshë” nga Dinamo në këtë merkato vere, klubi ka ditur të…
Pas dështimit për të afruar Rodrin në “Santiago Bernabeu”, Real Madridi ka kthyer vëmendjen te disa alternativa të tjera për…
Vazhdimi i seancës për konstituimin e Kuvendit të Kosovës do të mbahet të shtunën paradite, pavarësisht se afati 30-ditor i…
Anëtari i Lëvizjes Vetëvendosje në KQZ, Alban Krasniqi, ka adresuar kritika dhe akuza ndaj opozitës përmes dy postimeve të ndara…