Topi Adidas Azteca, me të cilin Diego Maradona shënoi golin e famshëm me dorë kundër Anglisë në Kupën e Botës 1986, është shitur për 3.3 milionë dollarë, ose 2.9 milionë euro, në ankandin e Heritage Auctions në Shtetet e Bashkuara.
None found
Shuma e arritur ishte dukshëm më e ulët se parashikimi fillestar, pasi pritej që objekti të shitej për rreth 10 milionë dollarë, ekuivalente me 8.5 milionë euro.
Goli u shënua në çerekfinalen ku Argjentina fitoi 2:1 ndaj Anglisë. Maradona e dërgoi topin në rrjetë duke e prekur me dorë, ndërsa pas takimit e përshkroi atë si një gol të realizuar “pak me kokën e Maradonës dhe pak me dorën e Zotit”.
Në po atë përballje, futbollisti argjentinas shënoi edhe një tjetër gol historik, i njohur më vonë si “Goli i Shekullit”. Përpara se të shënonte, ai dribloi pesë lojtarë të Anglisë.
Topi ishte mbajtur për më shumë se tri dekada nga gjyqtari tunizian Ali Bin Nasser, i cili e mori pas përfundimit të ndeshjes.
Bin Nasser nënshkroi në vitin 2023 një deklaratë ku konfirmonte se bëhej fjalë për të vetmin top të përdorur gjatë asaj ndeshjeje. Autenticiteti i tij është vërtetuar gjithashtu nga kontrolle të pavarura.
Gjyqtari tunizian e kishte shitur topin fillimisht në vitin 2022, për 2.37 milionë dollarë ose 2.03 milionë euro.
Pronari që e bleu atë e riktheu në ankand në vitin 2023, por shitja dështoi pasi ofertat e paraqitura nuk arritën çmimin minimal të kërkuar.
Një tjetër objekt i lidhur me atë ndeshje, fanella që Maradona mbante veshur, u shit për 8.30 milionë euro në një ankand të zhvilluar në vitin 2022.
Topi dhe fanella mbeten ndër sendet më të çmuara të koleksionistëve, pasi lidhen me një prej ndeshjeve më të famshme në historinë e futbollit.
Volkswagen ka vendosur të pezullojë përkohësisht zhvillimin e modelit të ri elektrik ID. Golf, në kuadër të përpjekjeve për të…
Barcelona po shqyrton mundësinë e përforcimit të repartit defensiv gjatë afatit kalimtar të janarit, ndërsa në listën e emrave të…
Një ngjarje e rëndë ka tronditur Kaliforninë në SHBA, ku një 31-vjeçare shtatzënë ka humbur jetën pas të shtënave me…
Sioni ka shpëtuar një pikë në udhëtim te Luzerni, në një ndeshje ku protagonistë ishin dy futbollistët e Kosovës, Kreshnik…
Një zhvillim i ri ka tronditur sektorin financiar në Turqi. Korkmaz Enes Ergun, drejtori i përgjithshëm i Bursës së Stambollit…
Dean KlafuriçTirana pret në stadiumin e Vorës Egnatian, për ndeshjen e vlefshme të javës së 10-të të “Abissnet Superiore” [...]Read…