Tifozët i kërkojnë Barcelonës që ta shesë yllin e skuadrës që u lëndua së fundmi

Një numër i madh i tifozëve të Barcelonës kanë bërë thirrje që Ronald Araujo të shitet nga klubi pas periudhës kohore që ai duhet të kalojë jashtë fushës shkaku i lëndimit të tij të fundit të pësuar në Kupën e Amerikës, raportojnë AS dhe Diario SPORT.

Për shkak të problemeve të supozuara të gjurit, uruguaiani luajti nën masa mbrojtëse në fund të sezonit 2023/2024 për klubin.

Ai ishte mjaftueshëm i aftë për të shkuar në Kupën e Amerikës dhe për të përfaqësuar Uruguain në Shtetet e Bashkuara, megjithatë, dhe kishte filluar çdo lojë.

I përfshirë në përleshje me shokun e skuadrës së Barçës, Raphinha dhe, siç janë gjërat, një rival i ardhshëm në El Clasico në sulmuesin Endrick, i cili do t’i bashkohet armiqve të betuar të katalanasve, Real Madridit më vonë këtë muaj, Araujo u lëndua në minutën e 33-të dhe më vonë u largua nga fusha e stadiumit “Allegiant” në Las Vegas duke qarë.

Herët të dielën pasdite në Spanjë, korrespondenti i AS’ Barca, Javi Miguel, postoi në Twitter se kishte “ndjenja shumë negative” rreth Araujo, pasi “gjithçka tregon për një lëndim në biceps femoris (në këmbën e tij) të majtë” dhe “midis gjashtë deri në tetë javë”.

Pak orë më vonë, gazetari i SPORT, Toni Juanmarti vuri në dukje informacionin e Javi Miguel dhe tha se skanimet e para në Araujo “tregon për të paktën gjashtë javë jashtë fushe” për 25-vjeçarin.

Një zhvillim i tillë padyshim që do ta gjente Araujon duke humbur fillimin e sezonit të ardhshëm të klubit, i cili në rastin e Barçës fillon më 17 gusht kundër Valencias në Mestalla.

Në mediat sociale, një sërë komentuesish kanë lënë përgjigje në lidhje me pengesën më të fundit të mbrojtësit, duke bërë thirrje që ai të shitet qysh në këtë verë. /Telegrafi/