Chelsea po përjeton një moment të vështirë, teksa disfata 4-1 kundër Leeds United ka rritur ndjeshëm pakënaqësinë e tifozëve, të cilët kanë shprehur kritika të ashpra ndaj disa lojtarëve të ekipit.
Pas humbjes minimale 1-0 nga Sunderland para ndërprerjes për ndeshjet e kombëtareve, londinezët shpresonin të rikthenin rezultatet pozitive. Ata kaluan në avantazh në minutën e 25-të, kur Emmanuel Emegha shënoi golin e tij të parë me fanellën e klubit.
None found
Megjithatë, epërsia zgjati vetëm pesë minuta, pasi Noah Okafor barazoi për Leedsin. Në fraksionin e dytë të lojës, mysafirët realizuan edhe tre gola të tjerë, me Okaforin që shënoi golin e tij të dytë personal, Dominic Calvert-Lewin që konvertoi një penallti dhe Brenden Aaronson që vulosi rezultatin përfundimtar 4-1 në minutat shtesë.
Kjo humbje e ka rrëzuar Chelsean në vendin e tetë në renditjen e Ligës Premier, ndërsa skuadra ka pësuar disfatën e pestë këtë sezon. Vështirësitë në repartin e mbrojtjes mbeten një nga shqetësimet kryesore për trajnerin Xabi Alonso.
Pas kritikave që morën Wesley Fofana dhe Levi Colwill për paraqitjen ndaj Sunderlandit, dy mbrojtësit u vunë sërish në qendër të pakënaqësive të tifozëve pas humbjes ndaj Leedsit.
Në platformën X, një tifoz shkroi: “Fofana duhet të përjashtohet nga skuadra”. Një tjetër komentoi: “Fofana duhet të caktohet në një punë zyre që në pushimin e pjesës së parë, sepse futbollist nuk është”.
Ndërkohë, një tifoz tjetër shkroi: “Fofana më bën të më mungojnë Tosin dhe Disasi”.
Mbrojtësi francez u kritikua veçanërisht për paraqitjen e tij, pasi gjatë 90 minutave arriti të fitojë vetëm një ndërhyrje në top.
Edhe Colwill nuk i shpëtoi kritikave, me disa tifozë që vunë në dyshim vazhdimin e partneritetit të tij me Fofanan në qendër të mbrojtjes.
“Nuk më intereson çfarë mendoni, por Colwill dhe Fofana nuk mund të jenë dyshja jonë e qendërmbrojtësve pas afatit kalimtar të janarit. Të dy duhet të shiten”, ishte një tjetër koment.
Një tjetër tifoz e përshkroi dyshen si “ndoshta partneritetin më të dobët të qendërmbrojtjes në historinë e klubit”.
Kështu, humbja ndaj Leedsit ka rikthyer në pah problemet defensive të Chelseat, ndërsa Fofana dhe Colwill janë bërë objekt i kritikave të shumta nga tifozët.
Kryetari i LDK-së, Lumir Abdixhiku, ka takuar bashkatdhetarët dhe bashkëveprimtarët e partisë në Bruksel, në kuadër të një organizimi të…
Napoli ka regjistruar një fitore të rëndësishme në shtëpi, duke e mposhtur Torinon me rezultat 1:0 në stadiumin “Diego Armando…
Shqipëria po shton bizneset, por po humbet banorët që duhet të blejnë produktet dhe shërbimet e tyre. Ndërsa numri i…
Forca e Sigurisë së Kosovës (FSK) ka realizuar me sukses qitje me municion luftarak nga mortajat 120 milimetra, të integruara…
Një sulm iranian ka goditur një godinë industriale civile në Bahrein, duke shkaktuar zjarr në objekt. [...]Read More...
Vora – Tirana është sfida që përmbyll javën e e12-të të “Abissnet Superiore” [...]Read More...