Heqja e 10 pikëve të Evertonit ka shkaktuar tërmet në futbollin anglez. Klubi nga Liverpooli u dënua për faktin që nuk ka respektuar rregullat e Fair-Play Financiar.
Por tani nuk rrezikon jo vetëm Evertoni, por tani rrezikon edhe Manchester City e Chelsea për shkak të FPF-Së. The Times shkruan se dy klubet e mëdha mund të hiqen 30 pikë.
Por mund të ketë edhe më keq: rrëzimin nga Premier League! Një dënim që mund të jetë aktivizohet nëse akuzat ndaj Manchester Citit dhe Chelsit vërtetohen.
Kujtojmë se në fillim të këtij viti, City u akuzua për më shumë se 100 shkelje të rregullave financiare.
E njëjta situatë edhe për Chelsean, me klubin londinez që është përballur me probleme të FPF që në periudhën kur në presidencë ishte rusi Abramovich.
Shkeljet e supozuara mbulojnë efektivisht një periudhë të gjatë nga sezoni 2009-10 deri në sezonin 2017-18.
Pas dënimit të Evertonit, Stefan Borson, një ndër avokakatët që këshillonte Cityn, shkroi në Twitter: “Sanksionet kundër Cityt dhe tani ndaj Chelseat, mund të çojnë në rënien e tyre nga kategoria.
Një gjë është e sigurt, duke pasur parasysh shkallën e këtij sanksioni sportiv, ideja e një gjobe të thjeshtë kundër Chelseat duhet të rishikohet urgjentisht dhe menjëherë”.
Manchester City u përjashtua nga Champions League në vitin 2020. Klubi u gjobit me 30 milionë euro për shkak të shkeljeve financiare të Fair Play.
Por, dënimi u hoq më pas nga Gjykata e Arbitrazhit Sportiv dhe gjoba u ul në 10 milionë euro. Me motivimin se shumica e shkeljeve të supozuara nuk ishin konstatuar ose ishin të parashkruara./albeu.com
Këngëtarja e njohur Elhaida Dani dhe Ledian Agalliaj, nisën lidhjen e tyre me shumë zhurmë dhe duket se që atë…
Këtë të shtunë, në një video të publikuar në rrjetet sociale, deputetja e Partisë Demokratike, Jorida Tabaku, ka ngritur alarmin…
Prokuroria pranë Gjykatës së Shkallës së Parë të Juridiksionit të Përgjithshëm, Tiranë kërkoi konfiskimin e pasurive të familjarëve të shtetasit,…
Ditën e sotme, u jepet lamtumira e fundit pesë nga shtatë viktimat e aksidentit tragjik në Rumani, ku furgoni me…
Rreth 227 persona kanë humbur jetën si pasojë e shembjes së minierës në Rubaya, në lindje të Republikës Demokratike të…
Matura Shtetërore pritet me padurim nga nxënësit dhe prindërit, pasi përbën një moment kyç në vijimësinë e rrugëtimit në arsimim,…