Pep Guardiola ka deklaruar se stafi mjekësor i Manchester City ka kryer 71 trajtime fizioterapie për lojtarët e tij pas ndeshjes së dytë çerekfinale të Champions League kundër Atletico Madrid.
Ndeshja rraskapitëse në “Estadio Wanda Metropolitano” i shkaktoi lodhje dhe dëmtime lojtarëve të Cityt, me Guardiola që emëroi një skuadër të dobësuar për humbjen gjysmëfinale të Kupës FA ndaj Liverpoolit.
“Mjekët tanë kanë bërë 71 trajtime në hapësirën mes Atletico Madridit dhe gjysmëfinales kundër Liverpool-it”, tha Guardiola.
“Shifra e plotë është 71, është e vërtetë. Pashë njerëzit atje. Më erdhi doktori. Por si? Nuk është për një lojë, është pas tre ‘finalesh’ kundër Atletico-s dhe Liverpool-it.
“Ata erdhën tek unë sepse ai numër ishte më se normal, në hotel pas ndeshjes me Atletico, në mëngjes kur arritëm në hotel, para seancës stërvitore, pas seancës stërvitore, ditën e ndeshjes.
“Dhe nuk ishte vetëm një ose dy lojtarë, ishte shumë. Por nuk ishte vetëm ajo ndeshje e Atletico-s, para kësaj ishte Liverpool, para asaj Atletico ndeshja e parë.”
Trajneri i Manchester City shtoi se nuk kishte kohë për një seancë të duhur stërvitore para gjysmëfinales kundër Liverpool.
“Nuk patëm kohë për një stërvitje të duhur para gjysmëfinales, vetëm video”, tha Guardiola.
“Në Millwall të premten ku City stërvitej, ne kishim gjashtë tavolina masazhi në fushë, duke bërë masazhe, duke parë djemtë që nuk luanin në Madrid duke bërë një seancë stërvitore”./ h.ll/albeu.com
Dashi Të lindur më: 21 Mars - 19 Prill Sot në marrëdhënie, një bisedë e sinqertë mund të sjellë afrim…
Gjermania synon të blejë sisteme të mbrojtjes ajrore, Patriot, të prodhuara nga Shtetet e Bashkuara, për t’ia dërguar Ukrainës, tha…
Çanta e famshme e zezë prej lëkure Birkin e Hermès është shitur për një shumë astronomike prej 8.6 milionë eurosh,…
Eljan Tanini është emëruar Drejtor i Arkivit Qendror Shtetëror të Filmit. Lajmin për emërimin e gazetarit në krye të këtij…
Një sulm ajror izraelit ka goditur palestinezë pranë një qendre mjekësore në Rripin e Gazës të enjten, duke i vrarë…
Ditën e sotme, u mësua se kandidati i Endri Shabanit, Zeqir Kordhoni, gjithashtu i afërm i tij, ka shprehur dyshime…