Tare dhe Paratiçi në “sprintin” final, Ibra do shqiptarin, Furlani mbështet Paratiçin

Dita e sotme do të jetë kyçe për të ardhmen e Milanit. Në fushë skuadra viziton Leçen dhe nëse nuk merr një fitore atëherë Konseisao mund të konsiderohet një “ish”.

Plani i kuqezinjve në rast të shkarkimit të portugezit është që të emërojnë Tasotin si trajner deri në fund të sezonit dhe më pas të risjellin në Milano, Maks Alegrin.

Sa i përket të ardhmes së drejtorit sportiv thuhet se emri që ka bërë që të gjithë të bien dakord është ai i Andrea Bertës. Sipas medieve italiane ish-drejtori sportiv i Atletiko Madrid konsiderohet si njeriu i duhur për postin, por nës këtë histori “Djalli” nuk ka bërë llogaritë me Arsenalin. Klubi londinez ka marrë fjalën e Bertës, i cili i është premtuar dhe nuk do që të punojë në Serie A.

Në këtë pikë në garë kanë mbetur vetëm Tare dhe Paratiçi. Shqiptari ka mbështetjen e Zlltan Ibrahimoviçit ndërsa ish-drejtori i Juves ka simpatinë e Xhorxho Furlanit.