Stavro Pilo ka pasur një rol të rëndësishëm në fitoren e Shqipërisë ndaj Bjellorusisë, duke ndihmuar në ndërtimin e aksioneve dhe në krijimin e rasteve për shokët e skuadrës. Nën drejtimin e Rolando Maran, ai po dëshmon rëndësinë e tij në skemat e trajnerit, duke shfrytëzuar hapësirat që i krijohen.
None found
Para golit të parë të Rey Manajt, ishte Pilo ai që pasoi për Asllanin. Elbasanasi lëshoi një goditje të bukur dhe iu afrua shumë rrjetës, por topi përfundoi në traversë. Në aksionin e golit të lushnjarit, Pilo nuk u përfshi drejtpërdrejt në lojë, megjithëse u tregua i vëmendshëm në pozicionimin mes linjave.
Mbrojtësi i krahut të majtë krijoi një mundësi edhe për Arbër Hoxhën, me një shërbim të bukur në zonë. Yllit të Dinamo Zagreb i mungoi saktësia në përpjekjen për ta dërguar topin në rrjetë dhe e humbi rastin.
Pilo ishte pjesë edhe e aksionit që solli golin e dytë, të shënuar nga Hysaj. Ai i mori mirë topin një kundërshtari bjellorus, u afrua drejt zonës dhe shërbeu për Manajn. Sulmuesi më pas pasoi te Hysaj, i cili tundi rrjetën.
Në skemën e re të Maran, Pilo duket se ka gjetur pozicionin e duhur dhe ka fituar më shumë liri në sulm, ndërsa gatishmëria e tij vërehet edhe në mbrojtje. Zgjedhja e trajnerit ka rezultuar e goditur, pasi deri tani ai ka marrë më të mirën nga lojtari në 6 sfidat e Ligës së Kombeve.
Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…
Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…
Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…
Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…
Shtatë nga tetë çerekfinalistët e Ligës së Kombeve për edicionin 2026/27 tashmë janë përcaktuar. Pas ndeshjeve të së hënës, Gjermania…
Një ngjarje tragjike ka tronditur komunitetin në Misuri të SHBA-së, ku një zjarrfikëse 36-vjeçare ka humbur jetën pasi ka rënë…