Spanja ka marrë një vendim në lidhje me Lamine Yamal para ndeshjes së tyre në fazën e 1/8 së finales në Euro 2024 ndaj Gjeorgjisë, mes raportimeve se ligji gjerman mund t’i detyrojë të mos llogarisin në shërbimet e yllit të Barcelonës.
Shumë kombëtare të mëdha deri më tani kanë dështuar që të impresionojnë në Euro 2024, po sigurisht e njëjta nuk mund të thuhet edhe për Spanjën.
None found
Ish-kampioni i botës dhe Evropës u kualifikua si lider i Grupit B dhe janë ekipi i vetëm që kanë marrë maksimumin e pikëve në fazën e grupeve.
Nën urdhrat e Luis De La Fuentes, i cili zëvendësoi Luis Enriquen pas Botërorit 2022, Spanja ka lëvizur nga stili i tyre “tiki-taka” dhe po aplikojnë një futboll më direkt.
Është 16-vjeçari Yamal ai i cili po shkëlqen me paraqitjet e tij duke vazhduar ndeshjet e mira që i pati me Barcelonën.
Sidoqoftë, ka pasur frikë se Spanja mund ta lë atë në bankë rezervë në ndeshjen ndaj Gjeorgjisë për shkak të një ligji të rreptë gjerman. Sipas ligjeve në Gjermani, personat nën moshën 18-vjeçare, qofshin vendas apo të huaj, nuk mund të punojnë pas orës 20:00.
Ka përjashtime për sportistët, duke i lejuar ata të punojnë deri në ora 23:00. Sidoqoftë, kjo nuk përfshin konferencat për shtyp pas ndeshjes.
Sipas ligjit në fuqi, Federata e Futbollit të Spanjës mund të dënohet me një gjobë prej 30 mijë eurosh nëse Yamal punon edhe pas orës 23:00, diçka që mund të ndodhë nëse ndeshja mes Spanjës dhe Gjeorgjisë shkon në vazhdime.
Fatmirësisht për tifozët spanjollë, duket se ky ligj nuk i bën aspak përshtypje kombëtares, të paktën kështu ka deklaruar përzgjedhësi De La Fuente.
“Ne të gjithë jemi përgjegjës për mirëqenien e Yamal. Ne do të bëjmë punën tonë dhe do ta lëmë të luajë. Asgjë më shumë”, ka thënë 63-vjeçari.
Ndeshja mes Spanjës dhe Gjeorgjisë do të luhet me fillim nga ora 21:00 dhe fituesi i saj do të përballet në çerekfinale me Gjermaninë.
Një fenomen jashtëzakonisht i fuqishëm klimatik, i njohur si “El Niño”, po intensifikohet dhe pritet të sjellë pasoja të rënda…
Kryetari i Lëvizjes Bashkë, Arlind Qori, i ftuar në emisionin Prime News24 kritikoi ashpër kreun e PD-së Sali Berisha. Qori…
Një person i shpallur në kërkim në Turqi, ndaj të cilit rëndonin 101 dosje për vjedhje dhe mashtrim, është arrestuar…
Kreu i degës së Partisë Demokratike në Krujë, Aulon Kalaja, komentoi në emisionin “Prime News24” deklaratën e raportuar të Pandeli…
Një ngjarje tragjike ka tronditur komunitetin në Misuri të SHBA-së, ku një zjarrfikëse 36-vjeçare ka humbur jetën pasi ka rënë…
Deputetja e Aleancës për Ardhmërinë e Kosovës (AAK), Time Kadrijaj, ka kritikuar Qeverinë e Kosovës për situatën me furnizimin me…