Gennaro Gattuso nuk do të jetë trajner i Napolit për sezonin e ardhshëm, ndërsa presidenti De Laurentiis ka nisur punën për të gjetur një tjetër emër për pankinën dhe sipas mediave italiane favorit është Luciano Spalletti.
I mbetur pa punë prej dy sezonesh, kur u shkarkua nga Interi, Spalleti është gati të rikthehet dhe javët e fundit ka intensifikuar kontaktet me drejtorin sportiv të Napolit, Giuntoli, por edhe me presidentin De Laurentiis.
Ky i fundit preferonte Massimiliano Allegrin, por pretendimet e mëdha të teknikut italian kanë sjellë ndërprerjen e negociatave, ndërsa ka rënë poshtë edhe opsioni për trajnerin e Empolit, Dionisi, që nuk ka eksperiencën e duhur për nivele të tilla.
Sa i përket Maurizio Sarrit, sezoni i ri me shumë gjasë do ta gjejë në pankinën e Romës, pasi verdhekuqtë kanë vendosur të ndërpresin bashkëpunimin me Paulo Fonsecën dhe prej kohësh negociojnë me ish trajnerin e Napolit dhe Juventusit.
Ndryshime pritet të ketë edhe në pankinën e Fiorentinës, që aktualisht drejtohet nga tekniku i përkohshëm Giuseppe Iachini, ndërsa në verë presidenti Commisso pritet t’ia besojë stolin Gennaro Gattusos, pasi të dy kanë të përbashkët edhe origjinën kalabreze.
Valsi i ndryshimeve në pankinë mund të prekë edhe klubet si Inter dhe Juventus, pasi tekniku i zikaltërve Antonio Conte ka kërkuar qartësi për të ardhmen, ndërsa Andrea Pirlo nuk ka bindur aspak në eksperiencën e tij të parë në stolin bardhezi.
Policia e Elbasanit, ka vënë në pranga një 57-vjeçar i cili ka aksidentuar për vdekje një këmbësor në fshatin Shushicë,…
Aktori i humorit Bes Kallauku, raportin me ish-partneren e tij, Xhensila Myrtezaj, e konsideron tashmë si një të shkuar që…
Ylli i futbollit Cristiano Ronaldo, vazhdon të sfidojë kohën dhe logjikën e futbollit modern. Në moshën 40-vjeçare, larg skenës europiane,…
Gjykata e Posaçme, vendosi të veçojë çështjen ndaj Alket Xhixhës, Florenc Çapjas dhe Elvin Mërlikës, të cilët janë pjesë e…
Këtë të shtunë, ish-kryeministri i vendit Sali Berisha, ka deklaruar se zv.kryeministrja Belinda Balluku, e marrë e pandehur nga SPAK,…
Ashtu siç ishte lajmëruar, aktivistët e lëvizjes “Shqipëria Bëhet”, kanë nisur protestën para kryeministrisë, përmes të cilës kërkojnë dorëheqjen e…