Skriniar “harron” Interin: S’jam penduar që u transferova në Paris

Sezoni i parë i Milan Skriniar me fanellën e PSG-së ishte mjaft i vështirë.

Shpesh herë ish-i i Interit u ul në stol nga Luis Enrique, por megjithatë, qendërmbrojtësi shprehet mjaft pozitiv.

“Më është dashur të jem jashtë për 4 muaj e gjysmë, por u ktheva më herët seç parashikohej. Padyshim që e gjitha kjo mund të shkonte më mirë se kaq. Ka shumë konkurrencë dhe po luftojmë të gjithë për një vend titullari. Unë isha gati sa herë trajneri dëshironte, isha gati edhe për 5 apo 10 minuta në fund. Jam i lumtur që kam luajtur të gjitha ndeshjet në fund të sezonit”, tha fillimisht Skriniar.

Më tej, ish-mbrojtësi i Interit ka komentuar edhe thashethemet që kanë lindur kohëve të fundit që e lidhin atë me një largim të mundshëm nga kryeqyteti i Francës.

“Nuk u kam kushtuar rëndësi. Më pyetën edhe gruaja, babaj, nënë dhe vëllai. Nuk kam dëgjuar asgjë për largim nga trajneri apo klub, askush nuk më tha se nuk po më llogarisnin më apo se duhet të kërkoja një ekip të ri. Përkundrazi, isha i qetë dhe sigurova familjen se jam mirë në Paris. Nuk jam penduar kurrë që kam marrë këtë hap, është një klub i shkëlqyer në çdo aspekt”, është shprehur më tej sllovaku.