Vllaznia bën prapakthehu dhe anulon vendimin për të shkarkuar trajnerin Thomas Brdariç. Fill pas humbjes me Bylisin, sponsori Alban Xhaferi dhe drejtuesit e klubit kuqeblu bënë një mbledhje me trajnerin dhe i komunikuan vendimin për ndërprerjen e bashkëpunimit, për shkak të rezultateve negative të javëve të fundit.
Megjithatë duket se nata u ka bërë mirë të gjithëve që të qetësohen dhe pas një mbledhjeje tjetër edhe me futbollistët, është vendosur që tekniku gjerman të qëndrojë në detyrë sërish dhe të vijojë punën e nisur verën e kaluar.
None found
Ka qenë vetë Thomas Brdariç që ka konfirmuar vijimin e punës te Vllaznia, teksa ka shtuar se një peshë shumë të madhe në këtë vendim kanë pasur pikërisht futbollistët kuqeblu, të cilët i ka cilësuar si familje për të.
Vllaznia u mposht me përmbysje 1-2 ndaj Bylisit, teksa në 9 javët e fundit ka regjistruar vetëm një fitore, 4 humbje e 4 barazime, një tregues i qartë i krizës së rezultateve që ka prekur kuqeblutë.
Por pavarësisht kësaj, shkodranët vijojnë të kryesojnë me 43 pikë, kjo falë një ecurie fantastike që treguan në 15 javët e para të sezonit, natyrisht edhe falë punës së mirë të bërë nga gjermani Brdariç dhe ndihmësi i tij Plori.
Tani kuqeblutë duhet të lënë pas gjithçka dhe të mendojnë për sfidën e radhës, që janë çerekfinalja e Kupës së Shqipërisë ndaj Korabit të mërkurën në “Loro Boriçi” e më pas transferta ndaj Kastriotit në kampionat.
Kryeministri i Maqedonisë së Veriut, Hristijan Mickoski, së bashku me kryeministrin e Republikës së Shqipërisë, Edi Rama, morën pjesë në…
Rasti i nëntë shtetasve somalezë, të cilët u larguan nga akomodimi gjatë vizitës së një delegacioni zyrtar në Kosovë dhe…
Me rastin e përvjetorit të rënies së veteranit dhe bashkëluftëtarit Arben Sejdiu, familja dhe bashkëluftëtarët e tij kanë organizuar homazhe…
Gazetarja shqiptare, Sonila Meço, ka reaguar pas pamjeve të ish-kryetarit të Kuvendit të Kosovës, Jakup Krasniqi, i cili nuk u…
Brenda një dite, tri forca politike të Kosovës i kanë kthyer sytë nga mërgata. Kryetari i LDK-së, Lumir Abdixhiku, u…
Trafiku në rrugët shtetërore po zhvillohet pa probleme, në rrugë kryesisht të thata, me intensitet të moderuar jashtë zonave urbane.Siç…