Simone Inzaghi: Jemi në rrugën e duhur por kemi ende punë për të bërë

Trajneri i Interit, Simone Inzaghi ka folur në prag të ndeshjes kundër Torinos , që zhvillohet të mërkurën nga ora 18:30.

Inzaghi ka thënë se janë në gjysmë të rrugës, por rruga e kaluar deri më tani ka shkuar mirë dhe janë brenda objektivave.

“Jemi në një moment të mirë, djemtë janë të gjithë të përfshirë, jemi me fat që mund të punojmë gjithmonë shumë mirë, pavarësisht ndeshjeve të shumta që kemi pasur. Po bëjmë mirë, por e dimë se rruga jonë është ende shumë e gjatë, kemi parë që në këto 18 ndeshjet e para të kampionatit kreu i renditjes ka ndryshuar shpejt.

Jemi në përputhje me atë që na kërkoi klubi, për të ruajtur katër vendet e para në kampionat, ndaj jemi të lumtur.

Ekipi po punon shumë mirë dhe ky është një stimul për të na bërë të vazhdojmë në këtë rrugë duke e ditur që gjithmonë ka shumë gracka.

Me 20 ndeshje që mungojnë nga tani deri në fund, gjithçka është ende shumë e gjatë, ne e dimë se çfarë na ofron kalendari, por tani shqetësimi im është ndeshja e nesërme sepse përballemi me një ekip shumë të organizuar”, ka thënë Inzaghi./ h.ll/albeu.com