Shtohen kuqezinjtë nën kontrollin e “supermenaxherit”, Fali Ramadani tani ka në dorë të ardhmen e mbrojtësit të Kombëtares

Një tjetër lojtari i kombëtares shqiptare i bashkohet grupit të menaxherit Fali Ramadani, i cili përfaqëson agjencinë, LIAN Sports Group. Bëhet fjalë për mbrojtësin Marash Kumbullën.

Kompania në fjalë, në vitet e fundit në mënyrë direkte apo indirekte ka filluar të mbledhë një numër të madh futbollistësh shqiptarë nën ombrellën e saj, duke përfaqësuar tashmë shumë lojtarë të Kombëtares kuqezi apo edhe ata që aspirojnë të bëhen pjesë e saj.

Kësisoj, nën kontrollin e Ramadanit dhe bashkëpunëtorëve të tij janë edhe emra si Bajrami, Ramadani, Uzuni, Berisha, Pajaziti apo edhe Armando Sadiku që kanë veshur rregullisht fanellën kuqezi duke i shtuar këtu binjakët Shpendi si Luis Hasën si edhe talenti Nuredini. Pa harruar këtu se edhe trajneri i Kombëtares, Silvinjo, prej një viti përfaqësohet nga “supermenaxheri” i cili mori emër në arenën ndërkombëtare me transferimin e bujshëm të serbit Luka Joviç te Real Madrid në vitin 2019.

FUTBOLLISTËT SHQIPTARË QË MENAXHOHEN NGA LIAN Sports Group

Nedim Bajrami

Myrto Uzuni

Ylber Ramadani

Medon Berisha

Adrion Pajaziti

Luis Hasa

Kristian Shpendi

Stiven Shpendi

Xhoi Nuredini

Redi Kasa

Armando Sadiku

Marash Kumbulla