Shqipëria i mbyll kualifikueset e “Katar 2022” me fitore minimale 1-0 kundër Andorrës, duke u renditur në vendin e tre me 18 pikë, një rekord për kombëtaren tonë deri më tani.
Ndeshja kundër Andorrës nuk ishte fantastike, madje të besuarit e Edy Reja patën goxha probleme në pjesën e parë. Në fillim ishte Strakosha shpëtimtari, kurse më pas shtylla e shpëtoi nga një gjuajtje e Rosas.
Në fund Shqipëria i afrohet golit me Roshin, por shtylla ndali anësorin e kombëtares sonë. 0-0 pjesa e parë, ndërsa në të dytën Bajrami tentoi nga distanca dhe më pas Uzuni u ndal në vijë fatale.
Beratasi fitoi penalltinë vendimtare në minutën e 71-të, ndërsa dy minuta më pas Çekiçi e ekzekutoi saktë dhe realizoi golin e fitores për Shqipërinë.
ANGLIA DHE HUNGARIA – Anglia ka qenë e pamëshirshme kundër San Marinos, edhe pse një biletë në Katar 2022 i duhej vetëm një pikë. Skuadra e drejtuar nga Gareth Southgate nuk u kursye, duke shënuar 10 gola ndaj skuadrës modeste që kishte përballë.
Katër gola u shënuan nga Harry Kane në pjesën e parë, dy me penallti, ndërkohë që sikurse ndaj Shqipërisë ndeshjen e zhbllokoi Harry Maguire me një gol të shënuar me kokë.
Polonia, që e kishte siguruar vendin e dytë, nuk “theu këmbët” me Hungarinë në shtëpi dhe në fund doli e mposhtur me rezultatin 1-2. Gazfad 10 minuta nga fundi realizoi golin trepikësh në portën e polakëve.
Nga ekzaminimi mjeko-ligjor i kryer mbi trupin e Marjola Nakolecit është zbuluar se 36-vjeçarja ka gjetur vdekjen nga plagët e…
Hyrja në shumë vende turistike zakonisht kërkon pagesë, por ka edhe destinacione ku mund të vizitoni atraksione të mrekullueshme pa…
Futbolli shqiptar ka humbur një tjetër figurë të njohur. Bujar Tafaj, ish-portieri i Tiranës dhe një emër i respektuar i…
Kinematografia spanjolle është në zi pas ndarjes nga jeta të aktores së njohur Verónica Echegui, e cila ndërroi jetë të…
Pak javë pasi u zbulua identiteti i të dashurës së këngëtarit Jozi, duket se edhe vetë partnerja e tij, Xhoana…
Gjeografia e shtetasve të huaj që vijnë në Shqipëri për të punuar, bashkim familjar apo arsye të tjera sa vjen…