Shqipëria i ka në grup, “plas” te Anglia mes trajnerit Tuchel dhe Bellingham

Anglia humbi 1-3 në miqësoren e tyre kundër Senegalit, një performancë zhgënjyese që shkaktoi kritika. Jude Bellingham hyri në fushë në minutën e 71-të në vend të Declan Rice, por nuk arriti të ndryshonte historinë e ndeshjes.

Ndër më kritikët pas ndeshjes ishte trajneri Thomas Tuchel, i cili komentoi hapur qëndrimin e mesfushorit të Real Madridit në fushë për “TalkSport”.

“Bellingham është një lojtar me zjarr brenda tij, dhe kjo është mirë. Por ky zjarr mund të jetë gjithashtu frikësues nëse nuk kontrollohet. Ndonjëherë ai tregon zemërim, uri, pasion… por në një mënyrë që mund të jetë e tepruar.

Nëna ime, për shembull, e ka të vështirë ta shohë atë si djalin e sjellshëm dhe të edukuar që njoh, dhe ndonjëherë qëndrimi i tij mund të duket i neveritshëm”, tha Tuchel.