Shifër marramendëse për Ernest Muçin! Presidenti i Trabzonspor i bën të qartë klubit anglez dhe pretendentëve sa kërkon për shqiptarin

Ernest Muçi, është kthyer në një nga emrat më të lakuar në Turqi në vitin e fundit dhe paraqitjet e tij kanë zgjuar interes edhe jashtë saj. Interesimi nuk ka munguar për futbollistin shqiptar dhe tashmë Trabzonspori ka vendosur edhe çmimin e kartonit të tij.

Sipas mediave turke, pas interesimit më të fundit të Aston Vilës, presidenti i Trabzonspor, Ertugrul Dogan, u ka komunikuar anglezëve se negociatat për Muçin nuk do të nisnin poshtë shifrës së 20 milionë eurove, duke bërë të qartë se sa vlerëson kartonin e sulmuesit shqiptar.

Aston Vila për momentin është tërhequr, por kjo shifër është ajo që është vendosur nga klubi për çdo ekip që pretendon të sigurojë shërbimet e Muçit, i cili ka qenë një nga zbulimet e sezonit të kaluar në kampionatin turk dhe është kthyer në një nga emrat më të rëndësishëm të Trabzonsporit.