Sacchi i prerë: Juventusi duhet të ndërrojë trajner, ky i duhet “bardhezinjve”

Arrigo Sacchi u mundua të shpjegojë arsyet e eliminimit të Juventusit nga Chamions dhe gjithashtu foli lidhur me të ardhmen e pankinës bardhezi në një intervistë për Gazzetta dello Sport. Ja deklaratat e tij:

“Futbolli është një sport skuadre dhe Ronaldo i vetëm nuk mund të fitojë”, tha ai fillimisht.

“Është si në matematikë. 1×1 bën gjithmonë 1. Por 1×10=10. Futbolli është sport skuadre. Ronaldo bën Ronaldon por nëse mbështetesh shumë tek një element i vetëm dhe ai gabon ndeshje, je në telashe”.

“Edhe Maradona, që ishte më i madhi, i vetëm nuk arriti të fitojë Kupën e Kampionëve. Si trajner nuk kam dashur kurrë lojtarë të afirmuar sepse kisha frikë se mos nuk jepnin kontribut në skuadër.

“Ju kujtohet Reali i Galaktikëve? Në sulm me Beckham, Raul, Ronaldo, Zidane e Figo. Në pankinë një Top i Artë si Oëen dhe Morientes. Fituan 1 herë.

“E kam të vështirë të gjykoj Pirlon sepse nuk e di nëse ka bërë kërkesa të caktuara për idenë që kishte në kokë apo ka pranuar gjithcka vetëm e vetëm që të drejtojë Juven. Tani rrezikon të dígjet”.

“Vitin e kaluar kaluan nga Allegri te Sarri, 2 teknikë shumë të zotë, por krejtësisht të ndryshëm, duke mbajtur të njejtën skuadër. Nuk është koherente”, shtoi ai.

“Unë këshilloj të zgjedhin një trajner që të ketë një ide loje dhe të ketë dëshirë të propozojë një futboll skuadre sulmues “- përfundoi Sacchi. /albeu.com/