Categories: sport

Ronaldo tregon konfliktin me Portugalinë, por përballet me rrezikun e një pezullimi të gjatë

Cristiano Ronaldo ka reaguar publikisht për përplasjen me trajnerin e Portugalisë, Jorge Jesus, duke shpjeguar arsyet e largimit nga grumbullimi i kombëtares pas fitores 2-1 ndaj Norvegjisë në Oslo.

Të lidhura

None found

Kapiteni portugez u largua nga grumbullimi pasi Jesus nuk e aktivizoi në ndeshjen ndaj Norvegjisë, edhe pse e kishte vendosur në pankinën e rezervistëve.

Pas përfundimit të takimit, trajneri deklaroi se i kishte bërë të ditur Ronaldos se mund të futej në fushë, por më pas kishte arritur në përfundimin se “nuk ishte momenti i duhur që Cris të hynte në lojë”.

Për të sqaruar situatën, Ronaldo u takua me Jesusin dhe presidentin e Federatës Portugeze të Futbollit, Pedro Proençën. Pas këtij takimi, 41-vjeçari njoftoi përmes rrjeteve sociale se do të largohej nga grumbullimi i Portugalisë.

“Do t’u tregoj të gjithë portugezëve të vërtetën për arsyet që më shtynë të largohesha”, kishte shkruar Ronaldo.

Të martën, më 6 tetor, futbollisti publikoi një deklaratë të gjatë, ku la të kuptohej se Jorge Jesus kishte cenuar besimin e tij në disa raste.

Sipas raportimeve, në qendër të mosmarrëveshjes ishte vendimi i trajnerit për t’i thënë Ronaldos se nuk do të udhëtonte me ekipin drejt Norvegjisë dhe Danimarkës për dy ndeshjet e tjera të kësaj pauze ndërkombëtare.

Përveç konfliktit me trajnerin, Ronaldo tashmë rrezikon edhe masa disiplinore.

Mediumi portugez A Bola raporton se kapiteni i Portugalisë mund të pezullohet për një periudhë nga një deri në gjashtë muaj, ndërsa ndaj tij mund të vendoset edhe gjobë.

Rregullorja disiplinore e Federatës Portugeze të Futbollit parashikon ndëshkime të rënda për lojtarët që largohen nga grumbullimi i kombëtares pa marrë leje.

Sipas këtij dokumenti, një futbollist i grumbulluar që mungon ose largohet pa arsye të justifikuar nga stërvitja, ndeshja apo një aktivitet i ekipit kombëtar mund të dënohet me pezullim nga një deri në gjashtë muaj. Për lojtarët profesionistë parashikohet gjithashtu një gjobë prej 500 deri në 1,000 euro.

Një dispozitë tjetër përcakton se mungesa ose largimi nga grumbullimi sjell automatikisht edhe pezullimin parandalues të lojtarit, në përputhje me procedurat përkatëse.

të fundit

Kërçeli rejects claim over “€1 billion”: €6.5 million worth of energy was imported from Serbia

Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…

1 hour ago

Kërçeli kundërshton pretendimin për “1 miliardin”: Nga Serbia u importuan 6.5 milionë euro energji

Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…

2 hours ago

Jensen Huang’s resignation rocks Nvidia: Espionage suspicions expose bigger issues

Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…

3 hours ago

Dorëheqja e Jensen Huang trondit Nvidia-n: dyshimet për spiunazh zbulojnë çështje më të mëdha

Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…

4 hours ago

Liga e Kombeve ka shtatë çerekfinalistë, Danimarka dhe Norvegjia vendosin biletën e fundit

Shtatë nga tetë çerekfinalistët e Ligës së Kombeve për edicionin 2026/27 tashmë janë përcaktuar. Pas ndeshjeve të së hënës, Gjermania…

4 hours ago

36-year-old firefighter dies after falling from a cliff while hiking in Missouri

Një ngjarje tragjike ka tronditur komunitetin në Misuri të SHBA-së, ku një zjarrfikëse 36-vjeçare ka humbur jetën pasi ka rënë…

4 hours ago