Ronaldo drejt rekordit historik, do bëhet i vetmi i kohës moderne që arrin shifrën e jashtëzakonshme

Duket se qetësia më në fund është rikthyer, pas stuhisë së javëve të fundit në Ligën Profesionale Saudite me Kristiano Ronaldon në qendër të uraganit.

Javën e kaluar, ylli portugez e la pas “kryqëzatën” e tij kundër PIF pas transferimit të Benzemas te Al Hilal dhe është përsëri i lumtur falë golave të tij, Al Nassr ka rimarrë vendin e parë pasi djemtë e Simone Inzagit u rrëzuan papritur në ndeshjen e kthimit midis Benzemas dhe Al Ittihad.

“Unë i përkas Arabisë Saudite dhe dua të qëndroj këtu. Është një vend që më mirëpriti mua, si dhe familjen dhe miqtë e mi. Jam i lumtur këtu dhe dua të vazhdoj”, deklaroi Kristiano Ronaldo pas fitores kundër Al Hazem, ku u zgjodh si MVP dhe madje veshi kapelen e famshëme për të varrosur më në fund sëpatën pas “paralajmërimit” që mori nga nivelet e larta të garës saudite.

E gjitha duket se është bërë vetëm një shënim në fund të faqes, dhe Kristiano është përsëri 100% i përqendruar në atë që ndodh në fushë. Javën e kaluar ai festoi rikthimin e tij në aksion me një gol kundër Al Fateh.

Mbrëmë, ai hapi dhe mbylli fitoren kundër Al Hazem me dy gola dhe kjo pavarësisht se disa gola të tjerë iu anuluan, ndërsa përpiqej të ngushtonte diferencën me Ivan Toni në garën për çmimin e golashënuesit më të mirë.

Sidoqoftë, ata e ndihmuan të bëhej lojtari i parë që arrin 500 gola pasi mbushi 30-vjeç. Për ta vënë në kontekst, Harri Kein sapo ka tejkaluar shifrën e 500 golave në karrierën e ti në moshën 32-vjeç.

Një arritje e paprecedentë, ndërsa ai vazhdon të shkojë drejt shifrës së 1,000 golave. Numri i golave tashmë është 965 dhe vazhdon të rritet.