Risi dhe tre lojtarë në tribunë! Maran ndan mendjen te Kombëtarja, si ndryshon lista ndaj San Marinos

Kombëtarja e Shqipërisë, do të përballet më 6 tetor me San Marinon prej orës 20:45. Trajneri Maran ka preferuar që të dërgojë në tribunë Feta Fetain, Klevi Qefalijan dhe Sabah Kerjotën siç raporton “Panorama Sport”.

Risi në listë ndërkohë është Alain Taho, portieri i rezervave të Interit për të cilin është hera e parë. Po ashtu edhe Simon Simoni është rikthyer në dispozicion të Kombëtares.

Mario Dajsinani e nis sot si titullar, ndërsa dy portierët e përmendur më parë zëvendësojnë Alen Sherrin dhe Etrit Berishën që mungojnë.

Në dispozicion të kuqezinjve rikthehet po ashtu Luis Hasa. Ky i fundit la pas shqetësimet shëndetësore. Surprizë është që Fetai rikthehet në tribunë dhe pse u privua nga Kombëtarja U-21 për shkak të problemeve me dokumentacionin.

Takimi në “Air Albania” ndërkohë vlen për raundin e katërt të Ligës së Kombeve.

Në tribunë: Feta Fetai, Klevi Qefalija dhe Sabah Kerjota

Të rikthyer: Luis Hasa dhe Simon Simoni

Risi në listë: Alain Taho

Mungon për shkak dëmtimi: Alen Sherri

Mungon për shkak pezullimi: Etrit Berisha

I larguar: Samuele Sina