Categories: sport

Regragui rrëfen si Maroku u përpoq të afronte Lamine Yamalin

Walid Regragui ka treguar prapaskenat e përpjekjeve të Federatës së Futbollit të Marokut për të bindur talentin e Barcelonës, Lamine Yamal, që të luante për kombëtaren marokene dhe jo për Spanjën.

Të lidhura

None found

Sipas ish-trajnerit të përfaqësueses së Marokut, çështja e Yamalit ishte ndër prioritetet e para pas emërimit të tij në krye të ekipit, në bashkëpunim me presidentin e federatës. Në atë periudhë, futbollisti i Barcelonës ishte vetëm 14 vjeç.

Regragui bëri të ditur se fillimisht në Marok u ftuan babai dhe gjyshi i lojtarit, me të cilët u zhvilluan bisedime. “Kishim dy vite që punonim për këtë çështje dhe gjithçka po shkonte mirë, deri në momentin kur erdhi koha për të marrë vendimin përfundimtar”, ka rrëfyer ai.

Më pas, përfaqësuesit e federatës udhëtuan drejt Barcelonës për t’u takuar personalisht me Yamal pas një prej ndeshjeve të tij. Në takim morën pjesë edhe kushëriri dhe avokati i futbollistit.

“I prezantuam projektin e kombëtares së Marokut, i cili përfshinte bashkimin direkt me ekipin senior, zhvillimin e tij me ‘Luanët e Atlasit’ dhe mundësinë për të luftuar për trofe”, u shpreh Regragui.

Megjithatë, vetëm dy ditë pas atij takimi, trajneri mori vesh se Yamal kishte zgjedhur të përfaqësonte Spanjën.

“Avokati i tij më telefonoi dhe më tha se Lamine kishte zgjedhur Spanjën. Por unë doja ta dëgjoja vendimin drejtpërdrejt nga ai. Lamine më telefonoi dhe më tha: ‘Trajner, e kam marrë vendimin tim. Do të luaj për Spanjën’”, tregoi Regragui.

Pavarësisht zgjedhjes së lojtarit, trajneri maroken theksoi se ky vendim nuk duhet të ndikojë në lidhjen e tij me origjinën. “Unë i thashë se, pavarësisht se çfarë ndodh, ai do të mbetet maroken. Nuk mund ta fajësojmë një lojtar për një vendim që lidhet me vendin ku ka lindur dhe është rritur”, përfundoi ai.

Yamal, i cili e ka prejardhjen marokene nga babai, zgjodhi Spanjën dhe tashmë është një nga figurat kryesore të kombëtares së këtij vendi.

të fundit

Masakra e Borsellinos: ish-kreu i policisë italiane hetohet për pengim të drejtësisë, kërkohet arrestimi i Gianni De Gennaros, i njohur si “Peshkaqeni

Prokuroria italiane dyshon se ish-shefi i Policisë ka ushtruar presion mbi informatorin e mafies Salvatore Contorno për të mos dëshmuar…

16 seconds ago

Irlanda triumfon 3-0 ndaj Kosovës në Dublin, por “Dardanët” sigurojnë qëndrimin në Ligën B

Kosova ka pësuar humbje të thellë 3-0 nga Irlanda, në ndeshjen e zhvilluar në Dublin, në kuadër të Ligës së…

42 seconds ago

Gjanaj: Rasti i nëntë somalezëve mund të vërë në pikëpyetje besimin e BE-së ndaj Kosovës

Rasti i nëntë anëtarëve të delegacionit zyrtar nga Somalia, të cilët u larguan nga vendi ku ishin akomoduar gjatë vizitës…

15 minutes ago

Inter Academy vjen në Tiranë, marrëveshje për krijimin e një akademie futbolli me standarde ndërkombëtare

Blendi Gonxhja, Juxhin Rama, Armand DukaShqipëria do të ketë akademinë zyrtare të futbollit të FC Internazionale Milano [...]Read More...

18 minutes ago

SHBA-së i hiqet statusi i eliminimit të fruthit pas 26 vitesh, mbi 7,700 raste dhe 13 viktima në 2025

Shtetet e Bashkuara të Amerikës kanë humbur zyrtarisht statusin e vendit që ka eliminuar fruthin, pas 26 vitesh, për shkak…

19 minutes ago