Real Madridi i tha jo ofertës 35 milionë euroshe të Galatasarayt për Eduardo Camavingan

Galatasaray kishte bërë një përpjekje të fundit për të transferuar Eduardo Camavingan, por Real Madridi e refuzoi ofertën prej 35 milionë eurosh të dorëzuar në ditën e fundit të afatit kalimtar veror.

Mediumi turk Fotomac raporton se klubi nga Stambolli synonte një lëvizje të bujshme për mesfushorin francez dhe kishte paraqitur zyrtarisht propozimin e tij.

Megjithatë, drejtuesit madrilenë e vlerësuan shumën e ofruar si të pamjaftueshme për një futbollist me profilin e Camavingas dhe vendosën të mos e pranonin atë.

Real Madridi kishte qenë gjithashtu në pritje të ofertave nga klubet e Ligës Premier, por deri në orët e fundit të afatit kalimtar nuk arriti asnjë propozim nga Anglia.

Edhe vetë Camavinga nuk shfaqte dëshirë për t’u larguar nga Santiago Bernabeu, ndonëse nuk bën pjesë në zgjedhjet kryesore të trajnerit Jose Mourinho për formacionin.

Si rezultat, mesfushori 23-vjeçar do ta vijojë sezonin me Real Madridin, ndërsa do të përpiqet të fitojë një vend titullari dhe më shumë minuta në skuadrën madrilene.