Real Madridi dëshiron të përfitojë nga largimi i Kloppit për t’i rrëmbyer yllin Liverpoolit

Real Madrid thuhet se po kërkon të përfitojë nga largimi i Jurgen Klopp dhe të nënshkruajë me mbrojtësin Virgil van Dijk nga Liverpool. Gjigantët spanjollë thuhet se duan të forcojnë mbrojtjen e tyre dhe e shohin holandezin si idealin.

Sipas një raportimi në Radio Marca, holandezi tani është në radarin e klubit spanjoll dhe pritet të bëjnë një lëvizje gjatë verës. Los Blancos duan të shfrytëzojnë sa më shumë pasigurinë në Anfield dhe të joshin qendërmbrojtësin në Santiago Bernabeu.

Holandezi do të hyjë në 12 muajt e fundit të kontratës së tij pas këtij sezoni. Ish-ylli i Southamptonit komentoi së fundmi nëse ai do të ishte pjesë e së ardhmes së klubit, duke thënë: “Kjo është një pyetje e madhe. Nuk e di”.

Ndërsa komentet e tij i nxitën thashethemet, ai më vonë sqaroi se komentet e tij kishin dalë “jashtë kontekstit”.

Sa i përket Real Madridit, mbrojtësit Eder Militao dhe David Alaba kanë pësuar lëndime në ligamente dhe klubi është kështu i etur për të shtuar përforcime.

Trajneri Carlo Ancelotti dëshiron një mbrojtës që mund të jetë i disponueshëm gjatë gjithë sezonit dhe e sheh Van Dijk si lojtarin perfekt. /Telegrafi/