Ylli i Barcelonës është i ‘interesuar’ për një marrëveshje shkëmbimi me Marcus Rashfordin, që mund të zgjidhë njërin nga problemet më të mëdha të Manchester United.
Rashford është lidhur fuqishëm me një largim nga Manchester United, pasi gjysmën e dytë të sezonit të kaluar e kaloi në huazim te Aston Villa.
Disa klube në Angli thuhet se po monitorojnë situatën e 27-vjeçarit, i cili po pret një mundësi për t’u transferuar te Barcelona.
Rashford është i vendosur për të realizuar kalimin te Barça dhe është i gatshëm të bëjë një sakrificë të madhe personale për të kompletuar transferimin.
Megjithatë, Barcelona është stepur nga çmimi prej 40 milionë eurosh i sulmuesit. Por, ekziston mundësia që katalanasit të përfshijnë një lojtar në marrëveshje për të siguruar shërbimet e Rashford.
Sipas një raporti të publikuar nga Football365, Barcelona mund të ofrojë Marc-André ter Stegen si pjesë e një shkëmbimi me Manchester United.
Gjigantët katalanas janë të gatshëm të largojnë Ter Stegen, pasi janë afër nënshkrimit me portierin e Espanyolit, Joan Garcia, si zëvendësues i gjermanit.
Manchester United mund ta shfrytëzojë këtë mundësi për të siguruar një portier të ri, pasi besohet se janë në kërkim të një zëvendësuesi për Andre Onana, i cili u kritikua për paraqitjet e tij sezonin e kaluar.
Sipas raportit, Ter Stegen është i hapur për një “ndryshim ambienti”, pasi ndien se po shtyhet drejt derës së daljes.
Ter Stegen, i cili mbushi 33 vjeç këtë vit, është pjesë e Barcelonës që nga vera e vitit 2014, kur u transferua nga Borussia Monchengladbach.
Ai ka zhvilluar mbi 400 ndeshje në të gjitha garat me klubin, duke fituar gjashtë tituj të La Ligas dhe një Ligë të Kampionëve.
Një hetim i Prokurorisë së Fierit ka zbuluar se Bankers Petroleum, gjatë dy dekadave të operimit në Shqipëri, ka përfituar…
Dashi Një ditë e mirë për dashurinë, por nëse një histori nuk funksionon, do të përpiqeni të rregulloni gjithçka. Në…
Autoritetet greke kundër Pastrimit të Parave kanë njoftuar nisjen e një hetimi të gjerë për keqpërdorimin e fondeve të Bashkimit…
Ushtria izraelite ka njoftuar se do të dërgojë 54,000 formularë rekrutimi për hebrenjtë ultra-ortodoksë, të cilët për dekada të tëra…
Skuadra franceze Cofidis u zgjua me një surprizë të hidhur në mëngjesin e etapës së dytë të Tour de France:…
Luhatjet e motit duket se kanë përfunduar duke i lënë vendin temperaturave përvëluese. Këto temperatura janë më të papërballueshme sidomos…