Braziliani Raphinha ka vendosur të vazhdojë aventurën e tij te Barcelona, duke i kthyer shpinën një propozimi kolosal financiar nga Al Hilal. Sulmuesi 29-vjeçar do të mbetet nën urdhrat e trajnerit Hansi Flick në “Camp Nou”.
None found
Referuar burimeve të Sport, skuadra nga Arabia Saudite kishte strukturuar një ofertë të dyfishtë, tejet tërheqëse si për klubin katalanas ashtu edhe për futbollistin, të cilit i garantoheshin fitime shumë herë më të larta se paga aktuale në elitën spanjolle. Gjithsesi, ylli brazilian nuk u bind të transferohej në Lindjen e Mesme.
Menjëherë pas refuzimit, Al Hilal riorientoi strategjinë e merkatos dhe tani gjendet në prag të finalizimit të afrimit të anësorit holandez Crysencio Summerville nga West Ham. Operacioni pritet të kapë shifrën 55 milionë euro, plus 10 milionë euro të tjera bonuse, duke e çuar vlerën totale në 65 milionë euro.
Arritja e akordit për Summerville bën që klubi saudit ta konsiderojë të plotësuar kërkesën për një sulmues krahu, çfarë praktikisht përjashton çdo mundësi të rikthimit të interesit për Raphinhan gjatë këtij afati veror.
Lojtari është tërësisht i fokusuar te Barcelona, me të cilën e ka kontratën të vlefshme deri më 30 qershor 2028, pasi rinovoi në maj 2025. Pavarësisht konkurrencës në rritje në repartin e avancuar, ai është i bindur se do të gjejë hapësirë të rëndësishme në projektin e teknikut gjerman.
Nga ana tjetër, drejtuesit blaugrana nuk kanë bërë asnjë lëvizje për ta vënë në shitje brazilianin; një largim eventual do të ishte i mundur vetëm me pëlqimin direkt të tij. Pas një stinori të shoqëruar me shqetësime fizike, Raphinha synon të rigjejë formën optimale, të fitojë sërish fanellën e titullarit dhe të shndërrohet në një nga figurat kryesore të Barcelonës, si në kampionat ashtu edhe në arenën europiane.
Megjithëse sezoni i merkatos vijon i hapur dhe mund të paraqiten interesime nga formacione të tjera, për momentin nuk ekziston asnjë ofertë konkrete për kartonin e sulmuesit. Ai pritet t’i bashkohet së shpejti përgatitjeve të skuadrës për edicionin e ardhshëm futbollistik.
Drejtësia franceze i ka dhënë fund një pjese të rëndësishme të çështjes. Vendimi përfundimtar i referohet yllit maroken Achraf Hakimi,…
Janë lënë në burg Embro Sulejmani dhe përgjegjësi i Policisë Shkencore, Fatjon Kalluçi. Në GJKKO u mbajt sot seanca për…
Kryesia e Kuvendit të Kosovës është thirrur për të premten. Ftesa, deputetëve u ka shkuar nga kryetarja e legjislativit, Albulena…
Shefi i ri i EULEX-it në Kosovë, Antero Lopes, së bashku me ambasadorë të akredituar në Kosovë, kanë bërë homazhe…
Është shtyrë edhe gjyqi i sotëm në Gjykatën e Posaçme për ish-presidentin Ilir Meta dhe Monika Kryemadhin. Siç raporton gazetarja…
U.D. Presidentja, Albulena Haxhiu, ka vizituar sot familjen e heroit Afrim Bunjaku, në përvjetorin e rënies së tij në krye…