Puyol paralajmëron Barcelonën: Real Madridi mund të bëhet më i fuqishëm me Mourinhon

Carles Puyol, kapiteni legjendar i Barcelonës dhe një prej mbrojtësve më të shquar spanjollë të të gjitha kohërave, vlerëson se emërimi i portugezit Jose Mourinho në krye të Real Madridit mund ta bëjë skuadrën nga Santiago Bernabeu edhe më të fortë.

Sipas tij, kampionët në fuqi të Spanjës vazhdojnë të kenë uri për suksese dhe synojnë ta fitojnë një tjetër titull në La Liga. Puyol shtoi se ardhja e mesfushorit të ri Rodri do ta rrisë më tej konkurrueshmërinë në repartin e mesfushës.

“Po flasim për një trajner të shkëlqyer, Mourinhon. E njoha në Barcelonë, në kohën kur isha pjesë e sistemit të të rinjve dhe po hidhja hapat drejt ekipit të parë. Që atëherë mund të kuptohej se kishte njohuri të mëdha për futbollin”, deklaroi fillimisht Puyol.

“Jam njëri nga ju, është më e veçantë se hera e parë”, ishin fjalët e Mourinhos gjatë prezantimit të tij te Real Madridi.

“Më pas ai krijoi një karrierë të jashtëzakonshme, përpara se të mbërrinte në Madrid. Në atë periudhë ne po kalonim një moment shumë të fuqishëm dhe e kujtoj rivalitetin e madh që ekzistonte”, vijoi ish-mbrojtësi.

“Në ato vite nuk bëhej fjalë vetëm për Guardiolën dhe Mourinhon apo për Messin dhe Cristianon, por edhe për dy skuadra të shkëlqyera. Mbetet të shihet se si do të zhvillohen gjërat. Unë vazhdoj të besoj se Barcelona ka një ekip shumë cilësor dhe mund të zhvillojë një sezon të mirë. Me Mourinhon, ata mund të jenë më të fortë”, përfundoi ish-kapiteni i Barcelonës.

Ndërkohë, sezoni 2026/27 i La Ligës nisi fundjavën e kaluar, por asnjëri prej dy klubeve të mëdha nuk luajti në xhiron hapëse. Shkak u bënë mungesat e shumta të futbollistëve që kishin qenë të angazhuar në gjysmëfinalet dhe finalen e Kupës së Botës.