PSG lë të hapur mundësinë për një tjetër transferim në ditën e fundit të afatit

Paris Saint-Germain mund të ndërmarrë një tjetër lëvizje në merkato përpara se afati kalimtar të mbyllet.

Sipas L’Equipe, kampionët e Francës nuk e kanë mbyllur derën për përforcime të reja dhe po shqyrtojnë mundësitë që mund të shfaqen deri në fund të afatit.

Ekipet franceze kanë kohë deri të martën, në orën 19:59, për të përfunduar marrëveshjet e fundit.

PSG synon të përfitojë nga çdo rast i favorshëm për të realizuar transferimin e gjashtë gjatë kësaj vere, ndërsa forcimi i repartit ofensiv konsiderohet një prej objektivave të mundshëm.

Deri tani, klubi parisien ka afruar Ferran Torres, Mika Godts, Maghnes Akliouche, Lucas Digne dhe Alessandro Longoni.

Gjithashtu, PSG po ndjek me interes situatën e mbrojtësit të talentuar të Crystal Palace, Jaydee Canvot, për të cilin ka vlerësim të lartë për potencialin e tij.

Tashmë mbetet për t’u parë nëse drejtuesit e klubit do të mbyllin një tjetër marrëveshje përpara skadimit të afatit kalimtar.