PSG ia la “seen”, Reali do të nënshkruajë parakontratë me Mbappe në janar

Real Madrid do nënshkruajë me sulmuesin Kylian Mbappe para kontratë, pasi dështuan ta transferojnë në verë.

“Los Blancos” kanë shprehur interesim për 22-vjeçarin në javët e fundit të afatit kalimtar, derisa tre oferta u refuzuan nga PSG.

E fundit ishte me vlerë 220 milionë euro, por PSG asnjëherë nuk ktheu përgjigje duke injoruar plotësisht.

Mbappe do kalojë edhe pjesën tjetër te sezonit te PSG, ku do arrijë të luajë pranë Lionel Messi dhe Neymar, sidoqoftë, nuk mendon të rinovojë kontratën.

Kontrata e francezit skadon në verë që nënkupton se që në janar ka të drejtë të nënshkruajë me klubin e ëndrrave.

Sipas Goal, Reali do vazhdojë bisedimet me Mbappe në janar dhe pastaj ta transferojnë në verë si agjent i lirë.

Liverpool në të kaluarën ka qenë i interesuar për Mbappe, por kuptohet se zemra e lojtarit është të kalojë në “Santiago Bernabeu”.

Mbappe ka shënuar tre gola në këtë sezon, derisa për PSG-në numëron 135 gola dhe 63 asistime në 175 paraqitje.