Pritet largimi nga Juventusi, 3 klube angleze, 1 gjermane dhe 1 turke në garë për shërbimet e Rabiot

Adrien Rabiot me shumë gjasa do të largohet nga Juventusi në fund të sezonit.

Mesfushori francez në do të jetë lojtar i lirë në fund të qershorit, pasi i përfundon kontrata me “Zonjën e Vjetër” në fund të këtij sezoni.

Për shërbimet e tij ka oferta të shumta, me francezin që do të provojë një eksperiencë të re në karrierën e tij.

Sipas “Calciomrcato” bëhet me dije se “Zonjë e Vjetër” do të tentojë edhe një herë të bindë lojtarin për të rinovuar kontratën dhe më pas në të ardhmen për ta shitur dhe për të fituar të ardhura, por diçka e tillë duket shumë e vështirë.

Gjithsesi Arsenal, Manchester United dhe Neëcastle janë gati të përfitojnë nga kjo situatë dhe të bindin Rabiot të kalojë në Premier League.

Për të nuk mbetet pas as Bayern Munich dhe Galatasaray, me lojtarin që kërkon të jetë protagonist në sezonin e ri dhe padiskutim që kërkon një fanelë titullari në cilëndo skuadër të shkojë.

Mbetet të shihet se çfarë do të sjellë merkatoja e verës për të dhe cila do të jetë skuadra e radhës për mesfushorin.