Prezantohet Christensen, Laporta: Që në moshën 8-vjeçare ka ëndërruar të luaj në “Camp Nou”

Andreas Christensen është tashmë një lojtar i ri i Barcelonës. Qendërmbrojtësi danez, ka kaluar vizitat mjekësore dhe ka nënshkruar kontratën e re si lojtar i klubit spanjoll deri në vitin 2026 dhe do të ketë një klauzolë prej 500 milionë euro.

Danezi ka veshur për herë të parë fanellën e katalanasve dhe ka dhënë prekjet e para të topit si lojtar i më i ri i klubit, i shoqëruar nga presidenti i klubit, Joan Laporta.

Numri një i klubit ka zbuluar një histori kurioze për të shpjeguar se lojtari më i ri i tyre kishte ëndërruar të luante në “Camp Nou” që kur ishte fëmijë.

“Kur Christensen ishte 8 vjeç, ai shkroi në një copë letër se ëndrra e tij ishte të ishte një lojtar i Barcelonës dhe ne e kemi të dokumentuar. Duam lojtarë që duan të luajnë këtu” ka theksuar Laporta./ h.ll/albeu.com