Presidenti i Barcelonës zgjedh lojtarin i cili do ta zëvendësojë Lewandowskin

Barcelona e ka shtyrë kërkimin për një numër nëntë për sezonin e ardhshëm, me Robert Lewandowskin që do të udhëheqë sulmin edhe për një vit tjetër, i fundit sipas kontratës së tij aktuale.

Megjithatë, presidenti Joan Laporta ka nisur tashmë të mendojë për epokën pas Lewandowskit në ‘Camp Nou’.

Lewandowski ishte golashënuesi më i mirë i Barcelonës sezonin e kaluar, me 42 gola dhe tre asistime në 52 paraqitje, përfshirë edhe disa gola vendimtarë në ‘El Clasico’ kundër Real Madridit.

Duke qenë se ai do të mbushë 37 vjeç në gusht, nuk është aspak befasuese që Barcelona po mendon për pasuesin e tij në qendër të sulmit.

Fillimisht, kur Joan Laporta u rikthye në presidencën e Barcelonës, u përmend shpesh se objektivi kryesor ishte Erling Haaland, por pasi ai doli jashtë mundësive financiare të klubit, u afrua Lewandowski.

Së fundmi, Alexander Isak është përmendur si sulmuesi që ngjall më shumë interes në repartin e rekrutimit të Barcelonës.

Megjithatë, gjatë javëve të fundit janë shtuar ndjeshëm zërat që lidhin Barcelonën me sulmuesin e Atletico Madridit, Julian Alvarez.

Agjenti i tij thuhet se ka mbajtur takime me disa klube të mëdha, por është bërë e ditur se oferta që do ta tërhiqte më shumë lojtarin do të ishte ajo nga Barcelona, një ide që është shtyrë përpara edhe nga vetë agjenti i tij.

Alvarez iu bashkua Atletico Madridit verën e kaluar për 75 milionë euro dhe që në mes të sezonit u bë e qartë se ai ishte lojtari kryesor në formacionin e tyre.

Sipas Cadena SER, pasi e ka ndjekur personalisht në katër ndeshje, Laporta ka ndryshuar fokusin, nga Rafael Leao i Milanit si ‘ëndrra e madhe’ drejt Julian Alvarezit.

Çdo lëvizje në këtë drejtim do të ndodhte verën e ardhshme, pavarësisht këmbënguljes së Atletico Madridit se Alvarez nuk është në shitje.

Në 54 paraqitje këtë sezon, Alvarez ka shënuar 29 gola dhe ka dhuruar shtatë asistime, vetëm nëntë gola më pak se Lewandowski, dhe këtë në një skuadër dukshëm më pak produktive.