Një pilot spanjoll u bë protagonist i një momenti të pazakontë, pasi i la për pak çaste pasagjerët argjentinas të besonin se kombëtarja e tyre ishte shpallur fituese e Kupës së Botës.
Spanja siguroi titullin e dytë botëror duke mposhtur Argjentinën 1-0 në finale. Golin vendimtar e realizoi Ferran Torres në kohën shtesë, ndërsa Lionel Messi dhe shokët e tij mbetën të dëshpëruar.
None found
Videoja, e regjistruar menjëherë pas shpalljes së Spanjës kampione të botës, është përhapur gjerësisht në rrjetet sociale.
Gjatë fluturimit të natës, disa udhëtarë me fanella të Argjentinës nisën të festonin e të brohorisnin, pasi përmes sistemit të njoftimeve në avion dëgjuan informacionin e rremë të dhënë nga piloti.
Përpara njoftimit, në avion mbizotëroi heshtja, ndërsa piloti deklaroi: “Ishte një përballje shumë e luftuar deri në çastet e fundit, përfshirë edhe kohën shtesë. Të dyja ekipet dhanë gjithçka, por për fat të keq vetëm njëra mund ta fitojë finalen e Kupës së Botës”.
Ai vijoi më pas me fjalët: “Dëshirojmë t’i urojmë miqtë tanë argjentinas.”
Pas kësaj fraze, pasagjerët shpërthyen në festë, të bindur se Argjentina kishte fituar titullin botëror.
Megjithatë, atmosfera ndryshoi tërësisht në pjesën e dytë të videos. Udhëtarët heshtën sapo piloti tregoi rezultatin e vërtetë me fjalët: “Spanja ka fituar.”
Shakaja ngjalli reagime negative në disa media të Argjentinës, të cilat e përshkruan atë si një “shaka të sëmurë”.
Gazeta La Voz del Interior raportoi: “Në një fluturim, teksa finalja e Kupës së Botës po shkonte drejt kulmit, një kapiten spanjoll komunikoi një rezultat të pavërtetë, duke nxitur festime mes pasagjerëve, përpara se të tregonte se Spanja ishte kampione”.
Një media tjetër argjentinase e cilësoi sjelljen e pilotit si “të tmerrshme”.
“Përveçse kreu një veprim të papranueshëm, me një humor të diskutueshëm, ai rrezikoi të përballej edhe me pasoja serioze në avion pasi u mësua e vërteta”.
“Udhëtarët mund të ishin përpjekur të përballeshin me të apo madje të futeshin në kabinën e pilotit. Ishte një gabim i rëndë”.
Pas vendimit të fundit të Gjykatës Speciale në Hagë, komuniteti shqiptaro-amerikan ka paralajmëruar zhvillimin e një proteste në New York,…
Kamil Grabara ka pësuar këputje të ligamentit të kryqëzuar të përparmë në gjurin e djathtë, ka konfirmuar Juventusi, vetëm pak…
Dashi E diela ju sjell mundësi për të kaluar momente të veçanta me njerëzit që doni. Në dashuri, një surprizë…
Pas vendimit të fundit të Gjykatës Speciale në Hagë, komuniteti shqiptaro-amerikan ka paralajmëruar zhvillimin e një proteste në New York,…
Dy shtetas gjermanë janë ndaluar në Muzeun e Luvrit në Paris, pasi ngjitën dy piktura në mur, pranë të famshmes…
Fustani i zi i Princeshë Dianës, i njohur prej vitesh si “Revenge Dress”, është rikthyer në vëmendjen e publikut, pasi…