Pesë ndeshje në orën 16:00 për javën e dytë të Kategorisë së Parë, Pogradeci synon fitoren dhe Kukësi kreun

Java e dytë e Kategorisë së Parë do të mbyllet sot me pesë takime, të gjitha të programuara për t’u zhvilluar në të njëjtën orë, 16:00.

Besëlidhja do të presë Korabin në një përballje të vështirë. Lezhianët vijnë pas humbjes 2-0 ndaj Kukësit, ndërsa skuadra dibrane fitoi 1-0 kundër Orikut. Në anën tjetër, Iliria e Fushë-Krujës do të kërkojë suksesin e parë në kampionat pas barazimit pa gola me Pogradecin, ndërsa Kukësi synon të ruajë kryesimin.

Oriku dhe Bylisi do të përballen mes tyre me synimin për të regjistruar fitoren e parë sezonale. Orikasit u mposhtën nga Korabi në ndeshjen hapëse, kurse Bylisi barazoi 1-1 me Sopotit.

Pogradeci do të luajë në shtëpi ndaj Kastriotit dhe do të kërkojë të marrë tri pikët, pas barazimit pa gola ndaj Ilirisë në javën e parë.

Ndeshja e fundit e ditës do të zhvillohet mes Sopotit dhe Besës së Kavajës. Të dyja skuadrat e nisën kampionatin me barazim, ndaj fitorja do të jetë objektivi kryesor për secilën prej tyre.