Lionel Messi jozyrtarisht është marrë vesh se nuk do të marrë pjesë në ceremoninë e shpërndarjes së çmimeve për më të mirët nga FIFA.
Messi është një nga favoritët kryesorë për të fituar çmimin si lojtari më i mirë nga FIFA, ceremoni kjo e cila do të mbahet sot (e hënë) në Londër.
Tetë herë fituesi i Topit të Artë u nominua për këtë çmim pasi e udhëhoqi Argjentinën drejt lavdisë në Kupën e Botës 2022 që u zhvillua në Katar, duke fituar kështu këtë trofe për herë të parë që nga viti 1986.
Messi gjatë këtij rrugëtimi shënoi shtatë gola në po aq ndeshje dhe në fund u zgjodh si lojtari më i mirë i atij kompeticioni.
Ky triumf bëri që Messi të bëhej lojtari i nëntë në histori që fiton Ligën e Kampionëve, Topin e Artë dhe Kupën e Botës.
Sipas një reagimi që bëri gazetari Ariel Senosiain në platformën X (Twitter), Messi ka vendosur të qëndrojë në Amerikë dhe të stërvitet me Inter Miamin, në vend që të udhëtojë në Londër për të marrë çmimin.
Inter Miami pritet që të zhvillojë shtatë ndeshje miqësore gjatë parasezonit, ku gjashtë prej tyre do të luhen në udhëtim./Telegrafi/
Një ngjarje e rëndë me armë zjarri është shënuar këtë mbrëmje në qendër të Rrilës, në Lezhë. Si pasojë e…
Deputeti i PD Klevis Balliu, ka reaguar në lidhje me situatën e krijuar sot në Kthesat e Dragostunjës, ku për…
Presidenti i Serbisë, Aleksandar Vuçiç ka thënë më 1 shkurt se shteti nuk ka asnjë lidhje me aferën që bërë…
Erald Kapri ka reaguar në lidhje me situatën ku u gjendën sot mijëra qytetarë, të cilët për rreth 8 orë…
Publikimi i dokumenteve të reja nga dosja e Jeffrey Epstein, të bëra publike nga Departamenti Amerikan i Drejtësisë në faqen…