“Pepe? Ai është një lojtar të cilit nuk mund t’i besohet, goli i Ramos ishte pozicion jashtë loje”

Mark Clattenburg, gjyqtari i finales së Milanos në 2016 mes Atleticos dhe Real Madrid, edhe një herë pranoi se “goli i Sergio Ramos ishte pozicion jashtë.

Ka shumë ndeshje që gjyqtari britanik Mark Clattenburg ka drejtuar në elitë, por me e vështira ka qënë ajo e finales së Ligës së Kampionëve që Atletico de Madrid dhe Real Madrid luajtën në Milano në vitin 2016, shkruan Albeu.com.

Po kështu, ka shumë futbollistë me të cilët 46- gjyqtari, aktualisht drejtues i ndeshjeve në Ligën Profesionale Saudite, është dashur të merret gjatë ndeshjeve, por pak si Pepe,  ish-mbrojtës i skuadrës së Los Blancos që aktualisht luan për Porton.

Në një intervistë të dhënë nga Clattenburg për gazetën britanike Daily Mail, gjyqtari pranoi se “nuk ishte kënaqësi të gjykosh Pepe, ju duhet ta shikoni atë gjatë gjithë kohës”.

Clattenburg ishte gjithashtu mjaft kritik ndaj qëndrimit të mbrojtësit 38-vjeçar. “Ai është një lojtar të cilit nuk mund t’i besohet. Ju mund të gjykoni një lojë të lehtë dhe papritmas ai bën diçka”, tha gjyqtari.

Në intervistën për Daily Mail, ai konfirmoi përsëri se si ashtu edhe ndihmësit e tij e kuptuan dështimin pas 45 minutave të para të lojës. “Në atë finale, Real Madrid kaloi në epërsi në pjesën e parë, por goli i Sergio Ramos ishte “pozicion jashtë loje”, edhe pse jo shumë. Ne e kuptuam atë kur shkuam në pjesën e parë.

Ishte një veprim i komplikuar dhe asistenti im bëri një gabim”, përfundoi Clattenburg. /albeu.com/