Categories: sport

Pas aksidentit dhe akuzave për drogë, Daniel Maldini publikon rezultatin e analizave

Daniel Maldini është përfshirë në një situatë të rëndë jashtë fushës, pasi gjatë fundjavës u aksidentua në Milano teksa drejtonte automjetin nën efektin e alkoolit.

Futbollisti i Cagliarit u përball më pas edhe me pretendime në rrjetet sociale se kishte rezultuar pozitiv në një test paraprak për substanca narkotike.

Të lidhura

None found

Përballë këtyre raportimeve, 24-vjeçari publikoi në Instagram dokumentin e analizave laboratorike, me synimin për të rrëzuar akuzat për përdorim droge.

Sipas dokumentit, të lëshuar në emrin e tij më 14 shtator 2026, rezultatet ishin negative për të gjitha substancat e kontrolluara.

Incidenti ndodhi vetëm pak orë pas ndeshjes ku Maldini shënoi golin vendimtar në fitoren 2-1 të Cagliarit ndaj ish-klubit të tij, Atalantës.

Më vonë, duke drejtuar një Porsche Carrera 4, ai hyri në rrugën Via Caracciolo pa i dhënë përparësi një automjeti tjetër dhe u përplas me një Volkswagen Golf. Pas goditjes, Golfi përfundoi duke u përplasur edhe me një Mercedes të parkuar.

Si pasojë e aksidentit, në ngjarje u përfshinë gjithsej gjashtë persona.

Kontrollet e kryera konfirmuan se lojtari ishte në drejtim të automjetit me një nivel të konsiderueshëm alkooli në organizëm. Matja e parë regjistroi 0.91 mg/l, ndërsa e dyta 0.89 mg/l.

Autoritetet i konfiskuan patentë-shoferin në vendngjarje.

Publikimi i analizave laboratorike i mohon pretendimet për përdorim narkotikësh, por Maldini mbetet përgjegjës për drejtimin e automjetit nën ndikimin e alkoolit dhe për shkaktimin e aksidentit.

Tashmë pritet vendimi për masat ligjore ndaj tij, si edhe reagimi i Cagliarit për këtë incident të ndodhur jashtë fushës.

të fundit

Kërçeli rejects claim over “€1 billion”: €6.5 million worth of energy was imported from Serbia

Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…

1 hour ago

Kërçeli kundërshton pretendimin për “1 miliardin”: Nga Serbia u importuan 6.5 milionë euro energji

Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…

2 hours ago

Jensen Huang’s resignation rocks Nvidia: Espionage suspicions expose bigger issues

Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…

3 hours ago

Dorëheqja e Jensen Huang trondit Nvidia-n: dyshimet për spiunazh zbulojnë çështje më të mëdha

Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…

4 hours ago

Liga e Kombeve ka shtatë çerekfinalistë, Danimarka dhe Norvegjia vendosin biletën e fundit

Shtatë nga tetë çerekfinalistët e Ligës së Kombeve për edicionin 2026/27 tashmë janë përcaktuar. Pas ndeshjeve të së hënës, Gjermania…

4 hours ago

36-year-old firefighter dies after falling from a cliff while hiking in Missouri

Një ngjarje tragjike ka tronditur komunitetin në Misuri të SHBA-së, ku një zjarrfikëse 36-vjeçare ka humbur jetën pasi ka rënë…

4 hours ago