Pas rikthimit në ekipet e tyre, legjionarët kuqezi kanë vazhduar me paraqitje të shkëlqyera, duke qenë protagonistë me gola dhe asiste gjatë fundjavës.
Sipas një njoftimit të FSHF-së, sulmuesi i Kombëtares, Rey Manaj, gjeti sërish rrugën e rrjetës me skuadrën e tij Al Sharjah, duke shënuar golin e dytë në fitoren 2-0 ndaj Al Dhafra.
None found
Ky ishte goli i tij i dytë për këtë sezon me fanellën e klubit arab.
FSHF cilëson se Nazmi Gripshi po kalon një formë të jashtëzakonshme me FC Astana.
Në fitoren 5-3 ndaj Aktobe, ai realizoi nga pika e bardhë, duke e çuar në 16 numrin e golave sezonal në kampionatin kazak dhe duke kryesuar renditjen e golashënuesve.
Gjithashtu, rrugën e rrjetës e gjeti edhe Jasir Asani, i cili i dha fitoren skuadrës së Esteghlal FC ndaj Mes Rafsanjan me një gol vendimtar në minutën e 11-të të takimit.
Në njoftim thuhet se në Turqi, Arlind Ajeti, ishte protagonist me një asist në barazimin 1-1 të Bodrumspor në transfertë ndaj Erokspor.
Qendërmbrojtësi kuqezi shërbeu saktë për Fredy në minutën e 29-të, duke zhbllokuar rezultatin.
Në Itali, Ylber Ramadani, u shpall lojtari më i mirë i ndeshjes në takimin mes Leçe dhe Sassuolo, të mbyllur në barazim 0-0.
Mesfushori kuqezi shkëlqeu me një performancë shumë të mirë dhe ndikim të madh në mesfushë.
Sipas FSHF-së, moment i veçantë ka qenë edhe për Arbër Hoxhën, i cili e nisi si titullar ndeshjen Dinamo Zagreb – Osijek, ndërsa para takimit mori çmimin si “Lojtari i Muajit” në kampionatin kroat, në vlerësim të paraqitjeve të tij të shkëlqyera dhe kontributit të madh për skuadrën e tij.
Një tjetër lajm pozitiv, ishte rikthimi në fushë i Ardian Ismajlit, që ka lënë pas dëmtimin dhe mori disa minuta në fitoren e Torinos ndaj Napolit.
Titullarë këtë javë ishin gjithashtu Thomas Strakosha, Enea Mihaj, Berat Gjimshiti, Medon Berisha, Juljan Shehu, Kristjan Asllani, Qazim Laçi, Adrion Pajaziti, Mirlind Daku dhe Taulant Seferi.
Mbledhja e Këshillit Kombëtar të Partisë Demokratike u tensionua pas debateve të forta që shpërthyen brenda saj. Menjëherë pasi kreu…
Protesta popullore ka marrë përmasa masive mesditën e sotme në Tiranë. Qytetarët e mbledhur në bulevard kanë nisur marshimin e…
Marshimi masiv i qytetarëve po vijon në rrugët e kryeqytetit. Protestuesit sapo janë ndalur përpara godinës së Parlamentit të Shqipërisë.…
Ka nisur këtë të mërkurë zbatimi i ligjit për amnistinë penale në të gjitha institucionet e ekzekutimit të vendimeve penale…
Pak çaste përpara se të niste procesi i numërimit të votave në Partinë Demokratike, kryetari Sali Berisha dha një deklaratë…
Protestuesi i cili një ditë më parë u përfshi në një përplasje të drejtpërdrejtë me deputetin socialist Erion Braçe, ka…