Real Madridi shënoi fitore me rezultat të thellë 4-0 në shtëpi ndaj rivalit direkt për titull Gironës, duke çuar në pesë diferencën e pikëve në tabelë.
Në një ndeshje ku shkëlqyen lojtarët si Vinicius Jr dhe Jude Bellingham, fitorja e Real Madridit nuk u vu asnjëherë në dyshim, kjo falë dominimit të madrilenëve që nga starti.
Si shpeshherë këtë sezon, edhe në këtë ndeshje Jude Bellingham ishte një ndër lojtarët që lanë shenja në rezultatin e ndeshjes, duke shënuar dy gola në sfidën ndoshta më të rëndësishmen deri më tani për Real Madridin.
Megjithatë, një goditje që mesfushori anglez mori në pjesën e parë të këtij takimi, siç duket e shqetësoi atë gjatë ndeshjes, me ç’rast u detyrua të largohej nga fusha para kohës.
Pamjet e shfaqura pas ndeshjes nga kamerat treguan se si Jude Bellingham po vuante nga dhimbjet i ulur në bankën rezervë.
Ai sapo doli mori tretmanin e duhur nga stafi mjekësor i klubit, të cilët i lidhën një qese me akull në zonën ku ai po ankohej nga lëndimi.
Pas ndeshjes Ancelotti e la në pikëpyetje prezencën e Bellingham për duelin ndaj Leipzig në Ligën e Kampionëve të martën, teksa ai do t’i nënshtrohet nesër (e diel) testeve mjekësore, për të parë shkallën e lëndimit. /Telegrafi/
Miri dhe Selin kanë biseduar me njëri-tjetrin në shtëpinë e “Big Brother VIP 5”, ku në një moment është përmendur…
DASHI Pas javësh pritjeje ose pengesash të vogla, dëshira për të ndërmarrë veprime dhe për të vërtetuar vlerën tuaj kthehet.…
Një tjetër skandal është regjistruar në Bashkinë e Matit këtë të premte. Rruga Derjan-Macukull, e cila u inaguruar 8 muaj…
Prej disa orësh, një pjesë e qytetit të Shkodrës po përballet me mungesë të ujit të pijshëm, situatë që ka…
Sipas AGSH, opsionet si mbyllja apo privatizimi i një transmetuesi publik janë masa ekstreme që do të dëmtonin rëndë pluralizmin…
Eliona Pitarka ka reaguar publikisht pas deklaratës së mjekut ku ajo viziton vajzat, i cili u shpreh se nuk ka…