“Nuk jemi në nivelin e tyre”, trajneri i Gironës dorëzohet pas shkatërrimit që pësoi nga Real Madridi

Girona ka pësuar debakël nga Real Madridi në ndeshjen më të rëndësishme të sezonit, duke pësuar humbje me rezultat të thellë 4-0.

Duke folur për mediat pas ndeshjes Real Madrid-Girona , trajneri i mysafirëve, Michel, ka pranuar se skuadra e tij nuk mund të konkurrojë me yjet e Carlo Ancelottit për titullin e La Ligës .

“Nuk ka njeri për të fajësuar për humbjen. Ne dhamë gjithçka, por në duele ata ishin shumë më superiorë. Camavinga, Vini, Bellingham… ne thjesht nuk jemi në atë nivel. Liga jonë nuk është kjo: ne jemi një ose dy hapa larg Madridit, ky është realiteti”.

“Fitorja në çdo ndeshje na ka kushtuar, por ne kemi përulësinë të dimë të humbasim. Nuk ka asgjë për të kundërshtuar fitoren e Realit, ata kanë qenë superiorë, pak ekipe mund t’i rezistojnë Madridit kur ata ecin me ritmin që kanë ecur”.

“Liga jonë është Bilbao, Betis, Real Sociedad, Valencia… ne nuk mund të jemi në ligën e Madridit, Barçës apo Atleticos, ata janë transatlantik”, deklaroi Michel.

Ndërsa Los Blancos në fakt po performojnë jashtëzakonisht mirë, Michel po tregohet shumë modest. Girona ka arritur të mposhtë Barçën dhe Atleticon, duke pësuar vetëm dy humbje nga një skuadër e caktuar me të bardhë këtë sezon. /Telegrafi/