Nigeria fiton pas penalltive ndaj Afrikës së Jugut dhe kalon në finale

Nigeria ishte më e mirë se Afrika e Jugut pas penalltive, duke kaluar në finalen e madhe të Kupës së Kombeve, pasi ndeshja në kohën e rregullt dhe vazhdime u mbyll 1-1 .

Pjesa e parë nuk është se solli diçka të madhe, me një rast të Evidence Makgopa të Afrikës së Jugut, por portieri nigerian ishte në vend.

Nigerianët në pjesën e dytë fituan penallti, kur për 1-shënoi Troost-Ekong nga pika e bardhë.

Në minutën e 85-të, sulmuesi i njohur Victor Osimhen, shënoi për 2-0 për nigerianët që nisën festën e kualifikimit në finale.

Por VAR-i kishte plane të tjera dhe gjyqtari kryesor u ftuar për një rishikim të një rasti para se të shënohej goli i Nigerisë, ku edhe ndryshoi vendimi.

Gjyqtar egjiptian Amin Omar, vendosi të akordojë penallti për Afrikën e Jugut, pasi kishte faul në zonën e nigerianëve.

Teboho Mokoena shënoi për 1-1 për ta dërguar lojën në vazhdime.

E sa i përket vazhdimeve, nuk kishte diçka të veçantë përveç një kartoni të kuq Grant Kekana në minutën e 115-të.

Në penallti më të mirë ishin nigerianët që fituan ndeshjen për të kaluar në finalen e madhe. /Telegrafi/