Neymar Junior ka rikthyer në vëmendje një video nga festimet e Barcelonës pas suksesit në Ligën e Kampionëve në vitin 2015. Në pamje, braziliani shfaqet së bashku me Lionel Messin dhe Luis Suarezin, ndërsa veçanërisht ka spikatur paraqitja e rrallë e argjentinasit.
None found
Videoja është pjesë e dokumentarit të Netflix-it “Neymar: Kaosi i Përsosur”. Gjatë tij, futbollisti brazilian shfleton në telefon disa pamje të vjetra dhe kujton periudhën kur ishte pjesë e Barcelonës.
Fillimisht, në video shihen Neymar dhe Suarez duke kërcyer. Pak më vonë, atyre u bashkohet edhe Messi, i cili mban një kapelë dhe syze të pazakonta. Argjentinasi qesh, vallëzon dhe shijon momentin me shokët e skuadrës, ndërsa Neymar shpjegon skenën.
“Shikojeni Messin. Ai po kërcen! Unë, Suarez dhe Messi. Ishim plotësisht të dehur”, shprehet Neymar me të qeshur.
Festimi u zhvillua pas finales së Ligës së Kampionëve të vitit 2015, ku Barcelona mposhti Juventusin me rezultatin 3-1 në Berlin.
Skuadra katalanase kaloi në avantazh që në minutën e katërt, kur Ivan Rakitic shënoi. Juventusi arriti të barazojë me Alvaro Moratan, por Luis Suárez e riktheu Barcelonën në epërsi në minutën e 68-të. Në kohën shtesë, Neymar vulosi fitoren me golin e tretë.
Me këtë triumf, Barcelona fitoi për herë të pestë Ligën e Kampionëve dhe kompletoi tripletën, pasi më herët kishte siguruar edhe kampionatin spanjoll dhe Kupën e Mbretit.
Messi, Suarez dhe Neymar luajtën së bashku nga viti 2014 deri në vitin 2017. Treshja, e njohur me akronimin MSN, konsiderohet një nga repartet sulmuese më të suksesshme në historinë moderne të Barcelonës. Që në sezonin e parë si partnerë, ata fituan tre trofetë kryesorë.
Bashkëpunimi i tyre përfundoi në verën e vitit 2017, kur Neymar kaloi te Paris Saint-Germain për 222 milionë euro, shifër që mbetet transferimi më i shtrenjtë në historinë e futbollit. Messi u largua nga Barcelona katër vjet më pas, ndërsa Suarez iu bashkua Atletico Madridit në vitin 2020.
Fortesa Berisha te Kombëtarja shqiptare e vajzaveKombëtarja shqiptare e vajzave do të “përplaset” sot ndaj Uellsit, prej orës 18:00, në…
Presidentja e Republikës së Kosovës, Justina Shiroka Pula, ka pritur në takim drejtorin e Agjencisë së Kosovës për Inteligjencë (AKI),…
Të arrestuar nga operacioni i zhvilluar në Lezhë janë; Elden Tarja, Kristian Ymeri(Shkambi) dhe Vinçesk Piroli. Këta shtetas në mënyrë…
Zyra e Rregullatorit për Energji (ZRRE), në agjendën e parë të publikuar për mbledhjen me Bordin e ri, përkatësisht seancën…
Gjykata Supreme e Kosovës ka reaguar për protestën e paralajmëruar nga punëtorët e Ndërmarrjes Publike Banesore, për javën e ardhshme…
MPB ka reaguar pas publikimeve në një pjesë të mediave se më 07.10.2026, në zonën e Shkupit, dy persona ishin…